ከደብረ መድኃኒት መድኃኔ ዓለም የኢትዮጵያ ኦርቶዶክስ ተዋህዶ ካቴድራል ኮለምቦስ ኦሃዮ የተሰጠ መግለጫ



ከሁሉም በላይ በሆነች ሐዋርያት በሰበሰቧት በአንዲት ቅድስት ቤተክርስቲያን እናምናለን

በስመ አብ፣ ወወልድ፣ ወመንፈስ ቅዱስ አሀዱ አምላክ፤ አሜን። ላለፉት ሃያ አንድ ዓመታት በሥልጣን ላይ ያለው የኢ ሕ አ ዴ ግ  መንግሥት በኃይማኖት ጉዳዮች ውስጥ ጣልቃ በመግባት በመንፈሳውያን አባቶች፤ በካህናትና በምዕመናን መካከል ልዩነት በመፍጠር ፤ ይህንኑ ልዩነት በማስፋትና በማራገብ ለዘመናት የኦርቶዶክሳዊት ተዋህዶ እምነት አገልግሎት ያለአንዳች እንከን እየተካሄደ ባለበት ዘመን  በተቀደሰና በተከበረ ዓውደምህረት፤ ላይ ስር የሰደደ ጥላቻ እንዲሰፍንና በኦርቶዶክሳውያን መካከል ሰላም እንዲደፈርስ፤ ብሎም የቡድንና የጐጥ ስሜት እንዲስፋፋ ያላቋረጠ ሴራ ሲሸርብ መቆየቱ ይታውሳል። ይህንን ኃላፊነት የጐደለውን እኩይ ተግባር መላው ሕዝበ ክርስቲያን ተረድቶ በተገቢው ጊዜና ሰዓት አፋጣኝና ሥርነቀል የሆነ ምላሽ ካልሰጠበት፤ የሁለት ሺሕ ዓመታት እድሜ ባለፀጋ የሆነችውን ቤተክርስቲያናችን ሕልውናዋን በፅኑ መሠረት ላይ እንደተጠበቀ ለመጭው ትውልድ ለማስረከብ  ውስብስብ መሰናክሎች እንደሚገጥሙት ከወዲሁ መገመት ይቻላል።
በመሆኑም ጥቂት የችግሩን አስከፊነት በጥልቀት የተረዱት የኢትዮጵያ ኦርቶዶክስ ተዋህዶ ቤተክርስቲያን የሰላምና የአንድነት ጉባኤ አባላት በቅን ልቦና ተነሳስተው፤ ተግባብተውና ተቀራርበው በመወያየት በተለይም አሁን በአገራችን የታየው የቀኖና ቤተክርስቲያን ጥሰት፤ የኦርቶዶክስ አማኞች አሳፋሪ የመለያየት ፈተና፤ የእምነት ክፍፍል፤ በተለይም የአራተኛው ፓትርያርክ የብፁዕ ወቅዱስ አቡነ መርቆሬዎስ ርዕሰ ሊቃነ ጳጳስት ዘኢትዮጵያ በመንግሥት ጫናና ግፊት ያለ በቂ ምክንያት ከመንበረ ከፕትርክናቸው በግፍ እንዲነሱ የተደረገበትን ሁኒታ ለአንዴና ለመጨረሻ  ጊዜ እልባት እንዲያገኝ ሰፊ ጥረት እያደረጉ በነበሩበት ወቅት፤ አባ ጳውሎስ ከዚህ ዓለም በሞት ስለተለዩ ይህም ወደ አንድነት የማምጣቱን ሂደት  መልካም አጋጣሚ በመፈጠሩ፤  የሰላሙ ኮሚቴ የጀመረውን ጥረት አጠናክሮ በመቀጠል ለሦስተኛ ጊዜ በሀገር ቤትና በውጭ ሀገር ያሉትን የቤተክርስቲያን አባቶች ፊት ለፊት አገናኝቶ እንዲነጋገሩና  ለተፈጠረው ችግሮች መፍትሔ እንዲያፈላልጉ የሚይስችል ዕድል አመቻችቶ ነበር።



በዚህ ምክንያት የሁለቱም  የሲኖዶስ ተወካይ አባቶች በተፈጠረው አጋጣሚ ተጠቅመው ፍጹም መንፈሳዊ በሆነ መከባበር ከብዙ የልዩነት አመታት በኋላ በዳላስ ርዕሰ አድባራት ደብረ ምህረት ቅዱስ ሚካኤል ካቴድራል፤ ስፊ ውይይት አካሂደዋል፤ ለሰላሙ መሳካት በአንድ ላይ ሆነው ሥርዓተ ጸሎትም አድርሰዋል። በዚህ የውይይት ወቅት የታየው ሕብረትና አንድነት መላውን ስላም ፈላጊ ኦርቶዶክሳዊ ምዕመን እጅግ ያስደሰተና የ 21 ዓመት ልዮነት ለአንዴና ለመጨረሻ ጊዜ እልባት ተገኘለት ብሎ ሙሉ እምነት የተጣለበት የሰላም ጉባኤ እጅግ አሳዛኝ በሆነ መልኩ ያለምንም ውጤት ሲበተን ተስፋው ሲጨልም እጅግ መሪር ሃዘን ተሰምቶናል።
የቤተክርስቲያኗን የመጨረሻ ውድቀት ለማፋጠን ዓላማ ቀርጾ የሚንቀሳቀሰው ዘረኛው የኢሕአዴግ መንግሥት በመሳሪያነት እየተጠቀመባቸው በሚገኙ ጥቂት አባቶች መሰሪ ተንኮል፤ የፈነጠቀው የሰላም ተስፋ ብዙም ሳይቆይ በድጋሚ እንዲዳፈን ከማድረጉም አልፎ ከቤተክርስቲያኗ  ቀኖናዊ ሥርዓት ውጭ በሆነ አካሄድ ስድስተኛ ፓትርያርክ በማስመረጥ የሰላም በሩን ዘግቶ ታሪክ ይቅር የማይለው ከፍተኛ ጥፋት ፈጽሟል።
በዚህ ሕገ ቤተክርስቲያንን በጣሰ አካሄዳቸው አስገራሚው ትርዒት አምስተኛው ፓትርያርክ ዘረኛ ነበሩ፤ ቀኖና ቤተክርስቲያን ጥሰዋል፤ ሙስና አስፋፍተዋል፤ በቅዱስ መንበሩ ላይ ያለአግባብ ተቀምጠዋል በማለት ይከሱና ይወነጅሉ የነበሩ በመጀመሪያዎቹ የሽምግልና ሂደት ውስጥ የጐላ ተሳትፎ  ከነበራቸው አንዱ አባ ማትያስ ነበሩ። አባ ማትያስ ለጽድቅና ለእውነት ቁሜአለሁ እያሉ ቤተክርስቲያናችንን ከገባችበት ውስብስብ ችግር ውስጥ ሊያወጣት የሚችል የመፍትሔ አቅጣጫ መጠቆም ሲገባቸው፤ የተጠሩበትን ዓላማና የሕዝበ ክርስቲያኑን ጩኸት ችላ ብለው ለመንደራቸው ልጆች በማዳላት የኢ ሕ አ ዴ ግ መንግሥት የሰጣቸውን ሹመት በታላቅ ደስታ መቀበላቸው ጐጠኝነት ከተራው ምዕመን አልፎ ለኃይማኖት ቆመናል፤ ለዓለሙም ሙተናል በሚሉ አባቶች ሳይቀር ሠረጾ መግባቱ እጅግ አሳዛኝ ዘመን ላይ መድረሳችን ያመላክታል።
ከዚህ በመነሳት የደብረ መድኃኒት መድኃኔ ዓለም የኢትዮጵያ ኦርቶዶክስ ተዋህዶ ካቴድራል፤ ሕጋዊው ፓትርያርክ  ብፁዕ  ወቅዱስ አቡነ መርቆሬዎስ ፓትርያርክ ርዕስ ሊቃነ ጳጳሳት ዘኢትዮጵያ መሆናቸውን በድጋሚ እያረጋገጥን፤ በኢ ሕ አ ዴ ግ መንግሥት ችሮታ ቀኖና ቤተክርስትያን አፍርሰው የተሾሙትን አባ ማትያስን የማንቀበል መሆኑን በአጽንኦት እያረጋገጥን፤ በብፁዕ ወቅዱስ አቡነ መርቆሬዎስ ርዕሰ ሊቃነ ጳጳሳት ወፓትርያርክ ዘኢትዮጵያ የሚመራው ሕጋዊው ቅዱስ ሲኖዶስ ከጥር 6-8 ቀን 2005 ዓ/ም በካሊፎርንያ-ሎስ አንጀሎስ ከተማ በተካሄደው የቅዱስ ሲኖዶስ ምልዕተ ጉባዔ ላይ የተላለፉት ውሳኔዎችንና የውግዘት መግለጫ ሙሉ በሙሉ የምንቀበልና ለተግባራዊነቱም ተግተን የምንሰራ መሆናችንን እናረጋግጣለን።
በሻርለት ኖርዝ ካሮላይና የምትገኘው የመካነ ብርሃን ቅድስት ሥላሴና የዳላሱ ርዕሰ አድባራት ደብረ ምህረት ቅዱስ ሚካኤል ካቴድራል እንደወሰዱት ቆራጥ እርምጃ፤  ሌሎችም የገለልተኛ አብያተ ክርስቲያናት ካህናትና አስተዳዳሪዎች ከዚህ በፈት ያለ አባት የተጓዙበትን መንገድ ወደኋላ መለስ ብለው በማየት በብፁዕ ወቅዱስ አቡነ መርቆሬዎስ ርዕሰ ሊቃነ ጳጳሳት ወፓትርያርክ ዘኢትዮጵያ ከሚመራ ከሕጋዊው ቅዱስ ሲኖዶስ  ጋር በመቀላቀል አሁን ኃይማኖታችንን ካጋጠማት አስከፊ የልዩነት አደጋ በጋራ እንታደጋት ዘንድ  የአክብሮት ጥሪያችንን እናስተላልፋለን።
ወስብሐት ለእግዚአብሔር።

To donate use this address:

 EIN #31-1405449
610 Neil Ave
Columbus, OH 43215
Care of: Melake Selam Sisay Yimer
(614) 280-0626
Share this article :

+ የተሰጡ አስተያየቶች + 4 የተሰጡ አስተያየቶች

Anonymous
March 30, 2013 at 7:17 PM

Dedeb menafek

March 30, 2013 at 8:11 PM

ለስድብ ሰይጣን ያደረበትን አንደበትህን እግዚአብሔር የቅድስና ቃል እንዲያወጣ እጸልይልሃለሁ!

dl of MN
April 1, 2013 at 2:54 AM

There is not EOTC Synod in America!
It is true that the patriarch of the Ethiopian Orthodox Church, His Holiness Abune Merkorios, was persecuted some 20 years ago and now lives in the US. However, this violation of the Church’s canon by the ruling party in Ethiopia should not give pretext to people around his Holiness to claim that the Holy Synod of the EOTC was also persecuted and exists abroad. The EOTC is a religious institution with various hierarchies of leadership. These hierarchies are the following: The Holy Synod, the office of the patriarch, the general office of the clergy and its branch offices at regional/zonal and local/ ‘woreda’ levels. These hierarchies of leadership of the Church cannot be persecuted contrary to the fathers in Diaspora and their supporters believe otherwise. The loophole that created confusion among the faithful regarding Holy Synod of the Church is lack of clear and precise definition of what Holy Synod means.
Holy Synod is not just a summit of religious fathers or bishops. It is a source of laws governing religious, economic, social and traditional affairs of the church. It is also divided as STANDING SYNOD and GENERAL SYNOD. The permanent Synod has its own secretary and carries out its duties throughout the year including, but not limited to crafting of agendas for the biannual summit of the general Synod. The general Synod is the highest and final decision maker of any religious issue of the Church. The office of the clergy carries out various activities at zonal and local levels. It addresses issues of close to 40,000 Churches and monasteries. Hence, to say such leadership bodies of the Church do not exist in Ethiopia tantamount to treason and/ or heresy, I believe. The problem for many of us for so many years has been that the patriarch was in fact persecuted but the Synod remains there. As a result, it was difficult to side the father or the Synod as they have been separated unfortunately. And the hope was that these two legitimate leadership bodies would become one. Now that hope of millions was ruthlessly dashed by the same power that created the problem in the first place. Yet, whatever wrong it does, the Synod of the EOTC can never be outside of Ethiopia and whoever is appointed as patriarch, the true patriarch of the Church remains Abune Merkorios as long as he is alive.
Therefore, the only claim that the fathers in Diaspora and their supporters can dispute on is the persecution of the patriarch and his office; not the Holy Synod nor the general office of the clergy and its branch offices. Thus, the so called ‘legal synod’ in the US is basically illegal and exists in vacuum! As the legitimacy of the patriarch in Ethiopia is questionable with reference to the canon of the Church, the legitimacy of the Synod in the US is also nullified automatically! Therefore, the TRUE Churches of EOTC are those who have not sided with the illegal 'synod' abroad and the illegal 'patriarch' in Ethiopia.

Anonymous
April 2, 2013 at 5:05 AM

እኔ እንዳንተ አይነት ግብዝ አይቼም አላውቅም። ከምር። ድንቄም ፀላይ። ከላይ አስተያየት የሰጠው ሰው ደደብ መናፍቅ ስላለ ሃጢያት አደረከውና አንተ መናፍቁ ፀልየህ ልታድነው ነው። ወግ ወጉን ታውቃለህ።
ለመሆኑ አንተ “መሀይም ማለት ያልተማረ ሳይሆን መማር የማይፈልግ ነው። የሰይጣን ትልቁ ግዛቱ ድንቁርና ነው።” እያልክ የዘለፍከው ለየሱስ ስለሆነ ከፅድቅ ነው የሚቆጠረው? ወይስ ያንተ የፃዲቁ ስድብ ተግሳፅ ነው?
በየትኛውም ትርጉሙ መሃይም ማለት እኮ ደደብ ማለት ነው። እና እፈር። ከምትገበዝም መጀመሪያ አይንህ ውስጥ ያለውን ግንድ አውጣ። ከዛ ለራስህ ፀልይ።

Post a Comment

አስተያየቶች

 
Support : | |
Copyright © 2011. ደጀ ብርሃን dejebirhan - All Rights Reserved

Proudly powered by Blogger