የማኅበረ ቅዱሳን መግነንና ብቀላ መሳ ለመሳ ናቸው፤ እንደጠዋት ጤዛም ቀትር ላይ ይጠፋሉ!


ነፍሳቸውን በአጸደ ቅዱሳን ያሳርፍልንና ብፁዕ ወቅዱስ አቡነ ጳውሎስ ከዚህ ዓለም በሞት ከተለዩ በኋላ ማኅበረ ቅዱሳን ቤተ ክርስቲያኒቱን ያለውልና ፊርማ ተረክቧት እያስተዳደረ ይገኛል። አቡነ ጳውሎስ በማወቅም ይሁን ባለማወቅ ይህንን መሠሪ ማኅበር ከመነሻው የደገፉት ሲሆን ውሎ አድሮ አካሄዱን አይተው የእድሜ ዘመኑን ለማሳጠር ብዙ ቢጥሩም ማኅበሩ ስር ሰዶ፤ የራሱን ጳጳሳት በመመልመል የሲኖዶሱን እኩሌታ መቆጣጠር የቻለበት ደረጃ ላይ ደርሶ ስለነበር ጥቂት ከማንገዳገድ ውጪ ሊጥሉት ሳይችሉ ቀርተው ወደማይቀረው ሞት ሄደዋል።
  አበው «የጠሉት ይወርሳል፤ የፈሩት ይደርሳል» እንዲሉ ይህንን ማኅበር የጠላነውን ያህል ሳይዳከም፤ የፈራነው ቤተ ክርስቲያኒቱን የመረከብ የረጅም ጊዜ ህልሙ እውን እያደረገ መገኘቱን ስንመለከት መጨረሻውስ? ብለን እስክንጠይቅ ድረስ መደመማችን አልቀረም። ምናልባት ቤተ ክህነቱን እንደወረሰ ቤተ መንግሥቱንም ይረከብ ይሆን? ይህንንም እንጠይቃለን። ማኅበሩን ስለመጥላት ስንናገር ሰውኛ ጥላቻ ሳይሆን  እንዴት አንድ ተራ ማኅበር፤ ለዚያውም በጦር ካምፕና በዝሙት መስዋእት ተመስርቶ ሁለት ሺህ ዘመን የዘለቀችውን ቤተ ክርስቲያን ተረክቦ በእጁ ያደርጋታል ከሚል መንፈሳዊ ቁጭትና መሸሻውም ይሁን መገኛው ከንስሐ ሥፍራ መሆን ሲገባው ዐመጽ ወልዶት፤ ዐመጽ ያሳደገው ማኅበር እዚህ መድረሱ አስገራሚም አስደማሚም ከመሆኑ የተነሳ ነው። አንዳንዶች ይህ ማኅበር እንደቴዎዳስ ዘግብጽ ቶሎ ያልጠፋው እግዚአብሔር ስለተከለው ነው በማለት ከእግዚአብሔር ፈቃድ ጋር በማስተሳሰር ሊያሳምኑን ይከጅላሉ። ናቡከደነጾር ኢየሩሳሌምን አጥፍቶ፤ ሕዝቡን 70 ዘመን በባርነት የገዛው ናቡከደነጾር እግዚአብሔርን ያመልክ ስለነበር ሳይሆን የእግዚአብሔር ሕዝብ የተባለው እስራኤል ከእግዚአብሔር አምልኮ ስላፈነገጠ መሆኑም እንዳይዘነጋ ማስረጃ እናቀርብላቸዋለን። ማኅበረ ቅዱሳን 21 ዓመት የመቆየቱ ምስጢርና ቤተ ክርስቲያኒቱን እስከማዘዝ የመድረሱ ነገር በቅድስናው ልክ እግዚአብሔር በመደሰቱ ነው ብለን አናስብም። በዚህ ርዕስ የማኅበረ ቅዱሳንን አነሳስ ትተን አሁን ያለበትን መንፈሳዊ መሰል ሕይወቱን ብንዘረዝር ውሎ ያሳድረናል። ሌላው ቀርቶ የማይታዘዙለትን ጳጳሳት እንዴት እንደሚያበሻቅጥና ሰጥ ለጥ ብለው የሚታዘዙለትን ደግሞ የቱንም ያህል አስነዋሪ ገመና ቢኖራቸው ምን ያህል እንደሚያንቆለጳጵሳቸው በመመልከት ስለማኅበሩ መናገር ይቻላል። «ከእነማን ጋር እንደምትውል ንገረኝና ማንነትህን ልንገርህ» ይባል የለ!

  አብዛኛዎቹ ጳጳሳትም ቁጭ ብለው የሰቀሉትን ይህንን ማኅበር ቆመው ማውረድ እስኪያቅታቸው ድረስ በተዘዋዋሪ መንገድ ለዚህ ማኅበር የምርኮኝነት እጃቸውን ሰጥተዋል። በየሄዱበት ሀገረ ስብከት ወንበራቸውን ከኋላ የሚሾፍረው ይህ ማኅበር ሲሆን በተለይም ከአቡነ ጳውሎስ ሞት በኋላ በተጠናና በታወቀ ስልት እያደባ፤ ካህናቱንም ሳያስደነግጥ፤ በረቀቀ መንገድ አስተዳደሩን ተረክቦ የሁለት ተቋም አስተዳዳሪ ሆኖ ይገኛል። አንዱ  ቅዱስ የተባለው የሲኖዶስ መንበር ሲሆን ሁለተኛው በግልጽ የሚጠራበት የራሱ ማኅበር ተቋማዊ የንግድ አስተዳደር ነው። ለረጅም ጊዜ ባካበተው የስለላ ልምዱ መረጃዎችን ወደአንድ ቋት በመሰብሰብ እቅድና ትግበራውን በግልጽም በስውርም ያካሂዳል። ለዚህም ተጠቃሹ የአዲስ አበባ ሀገረ ስብከት አንዱ ነው።
  የአዲስ አበባ ሀገረ ስብከት በሙስና፤ በአስተዳደር ብልሹነትና በንቅዘት ግንባር ቀደም ሀገረ ስብከት የመሆኑን ያህል ከፍተኛ የለውጥ እርምጃ የሚያስፈልገው ስለመሆኑ አያጠያይቅም።  እጃቸው በተጠመዘዘና በማኅበረ ቅዱሳን ሳንባ በሚተነፍሱት በአባ እስጢፋኖስ በኩል ለውጥ ይመጣል ብሎ መጠበቅ ግን «ላሞች ባልዋልሉበት ኩበት ለቀማ» ከመሆን የዘለለ ውጤት አይኖረውም ብቻ ሳይሆን የቤተ ክርስቲያኒቱን አናት ለማኅበረ ቅዱሳን አሳልፎ የመስጠት ሂደት መሆኑ ሊሰመርበት ይገባል።
  «የአዲስ አበባ ሀገረ ስብከት በለውጥና ህዳሴ ጎዳና፤ ያብባል ገና» በሚለው የማኅበረ ቅዱሳን መፈክር ስር የተጠለለው የአስተዳደር ማሻሻል ትግበራ ሂደት ጥናቱ፤ እቅዱና አፈጻጸሙ ሙሉ በሙሉ እየተከናወነ ያለው በማኅበረ ቅዱሳን ሰዎች በኩል ስለመሆኑ በግልጽ ይታወቃል። ዞሮ ዞሮ ሀገረ ስብከቱን ለማኅበረ ቅዱሳን እንቅስቃሴ አመቺ በሆነ መልኩ ማዋቀርና ሊመጣ የሚችልበትን ግልጽና ስውር ተቃውሞ ለአንዴና ለመጨረሻ ጊዜ በመዝጋት «ማኅበረ ቅዱሳን፤ ማኅበረ ቅዱሳን» የሚል ድምጸትን የሚያስተጋባ አስተዳደርን መመስረት ዋነኛ ግቡ ስለመሆኑ የምንሰማቸው አቤቱታዎችና እንቅስቃሴዎች አመላካች ናቸው። በቅርቡ እንዳየነው ለማኅበረ ቅዱሳን በጎ አመለካከት የላቸውም የተባሉ ካህናትና ሰራተኞች በስመ ዝውውርና ሽግሽግ ሰበብ ዱላ እያረፈባቸው መገኘቱ አንዱ አስረጂ ነው። ለወደፊቱም በፍጥነት ሳያስደነግጡና ሳያስደነብሩ በማለሳለስ ተመሳሳዩን የበቀል ዱላ እያሳረፉ ለአዲሱ ለውጥና ህዳሴ ስለሆነ ሁላችሁም «ያብባል ገና»  በሚለው ዝማሬ ስር ተሰባሰቡ ማለቱን ይቀጥላል። አባ እስጢፋኖስ ከማኅበረ ቅዱሳን ጉያ ለመውጣት አቅሙም፤ ብቃቱም፤ ሞራሉም የላቸውም፤ ስለዚህ በቦታው እስካሉ ድረስ የአዲስ አበባ ሀገረ ስብከት የጓሮ አስተዳዳሪ ማኅበረ ቅዱሳን ሆኖ መቀጠሉም አይቀሬ ነው። በባላ የተደገፈ ቤት ለጊዜው እንጂ በቀጣይነት ሊቆም አይችልም። የአባ እስጢፋኖስ የማኅበረ ቅዱሳን መዋቅራዊ ማሻሻያም የዚያው ተመሳሳይ ውጤት ከመሆን አይዘልም።  ምናልባትም የማኅበረ ቅዱሳን በአዲስ አበባ ሀገረ ስብከት ውስጥ የማቡካት የመጋገር ጅማሮ የማኅበሩን ዕድሜ ቀጣይነት ወሳኝ ምዕራፍ ከፋች ሊሆን እንደሚችል ይገመታል። በሂደት የምናየውም ይሆናል።

ሌላው በተመሳሳይ መልኩ ማኅበረ ቅዱሳንን ካሰማሯቸው ታማኝ አገልጋዮች መካከል የሐዋሳው አቡነ ገብርኤል ተጠቃሽ ናቸው። እንዲያውም ማኅበሩ ራሱ በተደጋጋሚ እንደሚለፍፈው «ማኅበረ ቅዱሳን» ብለው የዳቦ ስሜን ያወጡልኝ አቡነ ገብርኤል ናቸው እያለ በሚጠራቸው የነፍስ አባቱ ቤትም ማዘዝ ከጀመረ ውሎ አድሯል። በተዘዋዋሪም ተጠያቂነት ካለብኝም ይህንን ስም የሸለሙኝ ሊሆን ይገባል በሚል ድምጸት ማኅበሩ ስሙንና አቡነ ገብርኤል ለአፍታም ከአፉ አይነጥልም።

አቡነ ገብርኤል እድሜ ለንስሐ የሰጣቸውን አምላክ ከማመስገን ይልቅ ይህንን ማኅበር በጌታ ምትክ ዘወትር ሲያወድሱት ይታያሉ። በአሜሪካ አደባባይ «የፍየል ወጠጤ፤ ልቡ ያበጠበት…………» ከሚለው የጸረ ኢህአዴግ  ሰላማዊ ሰልፍ አንስቶ በይቅርታ ይሁን በንስሐ ከኢህአዴግ ጋር የታረቁበት መንገድ ለጊዜው ባይታወቅም ሐዋሳ እስከደረሱበት ጊዜ ድረስ በየሄዱበት ሰላም አስፍነው እንደማያውቁ ግለ ታሪካቸው  ይናገራል። ሐዋሳ እንደገቡም የመጀመሪያ ስራቸው ምእመናኑን በመከፋፈል ገሚሱን በማስደንበር የማባረር ስራ አሐዱ ብለው የጀመሩ ሲሆን ከዚህ ጀርባም ያ ቁጭ ብለው የሰቀሉትና ቆመው ማውረድ ያቃታቸው የነፍስ ልጃቸው ማኅበሩ አብሯቸው ነበር።
  እነመጋቤ ሐዲስ በጋሻውን፤ ቀሲስ ትዝታውንና ሌሎቹንም ዘማርያን ነክሶ የያዘውን ማኅበር ደስ ለማሰኘት አባ ገብርኤል እስከመጨረሻው ድረስ ለማሳደድ አላቅማሙም። ደም እስኪፈስና አካል እስኪጎድል ድረስ ሐዋሳን የጦርነት አውድማ ለማድረግም ወደኋላ አላሉም። ማኅበሩ ካዘዘ ሕንድ ውቅያኖስ ውስጥም ከመግባት እንደማይመለሱ ይታወቃል። እንዲያው ተሸፋፍኖ ይቅር ብለን እንጂ አባ ገብርኤል ምን የማያደርጉት ነገር አለ? ከዚህ በደል ለመገላገል ደግሞ ያላቸው ብቸኛው አማራጭ ንስሐ መግባት ሳይሆን ያንን ከነከሰ የማይለቅ ማኅበር እስከመጨረሻው ማገልገል ብቻ ነው። ሰሞኑን በእርቅ ሰበብ ከተጣሏቸው ምእመናን ጋር በመታረቅ አቡነ ገብርኤል ተስማምተውና አካባቢውን መስለው ለማደር ቢፈልጉም ያ ማኅበር ከኋላቸው ሆኖ «አይሆንም፤ አይደረግም» እያለ ሰቅዞ ይዟቸዋል። በተለይም የጥሉ አስኳል ተደርገው በማኅበሩ የብቀላ መዝገብ ላይ የሰፈሩት እነ በጋሻው ይቅርታ ይደረግልን የሚል ማመልከቻ ያቅርቡ እያለ መገኘቱ የሁከቱ ባለቤት ማን እንደነበረ በግልጽ እያሳየ ይገኛል። በዳይና ተበዳይ ማን እንደሆነ የመመርመር ሳይሆን ጉዳዩን በእርቅ የመፍታት ጥረት ላይ ነገሩን ለማደፍረስ የሚደረገው የማኅበሩ ሩጫ አስገራሚም አሳዛኝም ያደርገዋል።  በጋሻው «የበደላችሁኝን ሁሉ ይቅር ብያለው» ማለቱ ሲሰማ ማኅበሩ በተገላቢጦሽ «በድያችኋለሁና ይቅር በሉኝ» ሊል ይገባል በማለት ላይ መጠመዱ ሳያንስ ማኅበሩ በዚህ መካከል የሚጨምረው የተንኮል ቅርቃር ደግሞ «በጋሻው ሃይማኖታዊ ሕጸጽ ስላለበት ጉዳዩ በይቅርታ አያልቅም» የሚል መሆኑ ነው።

«የበደሉንን ይቅር እንደምንል» ጌታ ያስተማረን ጸሎት ነው። በጋሻው ይህንን በማለቱ ተቀባይነት የለውም ማለት ምን ማለት ነው? በግልባጩ በጋሻው በድሎናል የሚል ካለም ይህንን ቃል መልሶ በመጠቀም «የበደሉንን ይቅር እንደምንል» ማለት በጋሻው በድሎናል፤ ግን ይቅር ብለነዋል ማለት የክርስትና መገለጫ እንጂ የትንሽነት ወይም የተጠቂነት ስሜት ማንጸባረቂያ አይደለም። ይሁን እንጂ ማኅበሩ « የበደልኩ እኔ ነኝ፤ ይቅር በሉኝ» የሚል ልመና ሊቀርብልን ይገባል ሲል ይደመጣል። እንዲያማ ቢሆን ኖሮ እኛ የሰው ልጆች  ወደ እግዚአብሔር የማቅረብ የበደለኛነት ጥያቄ እያለብን  የተበደለው አምላክ በደላችንን ይቅር ሊለን ሥጋ ለብሶ ባልመጣ ነበር እንደማለት ነው።  «ጠላቶች ሳለን ከእግዚአብሔር ጋር በልጁ ሞት ከታረቅን፥ ይልቁንም ከታረቅን በኋላ በሕይወቱ እንድናለን» ሮሜ 5፤10
ለጸሎትም በቆማችሁ ጊዜ፥ በሰማያት ያለው አባታችሁ ደግሞ ኃጢአታችሁን ይቅር እንዲላችሁ፥ በማንም ላይ አንዳች ቢኖርባችሁ ይቅር በሉት» ማር 11፤25
እርስ በርሳችሁ ትዕግሥትን አድርጉ፥ ማንም በባልንጀራው ላይ የሚነቅፈው ነገር ካለው፥ ይቅር ተባባሉ። ክርስቶስ ይቅር እንዳላችሁ እናንተ ደግሞ እንዲሁ አድርጉ» ቆላስ 3፤13

ዳሩ ግን ይህ ተበቃይ ማኅበር የጠላቸው ሰዎች መንበርከካቸውንና እጃቸውን በመሸነፍ ስለማስረከባቸው የማረጋገጫ ቃል ካላገኘ በቀር «የበደሉንን ይቅር ብለናል« የሚለው ቃል አያረካኝም እያለ ይገኛል። የወንጌልን ቃል የማይቀበል ይህን መናፍቅ ማኅበር ደርሶ የወንጌል ቃል ተቆርቋሪ ሆኖ በመታየት ሌሎችን የሃይማኖት ሕጸጽ አለባቸው በማለት አለማፈሩ ያስገርማል። የእነ ደብተራ ገለፈትን መጽሐፍ እንጂ ማኅበረ ቅዱሳንና ወንጌል የትም እንደማይተዋወቁ እርግጥ ነው። መናፍቁና ጸረ ወንጌሉ ማኅበር ተግባር የሚመሰክርበትን የወንጌል ቃል ተቃርኖ እየተናገረ ስለወንጌል የመናገር ብቃቱም፤ እውቀቱም የለውም። ዳሩ ግን «ጊዜ የሰጠው ቅል ድንጋይ ይሰብራል» እንዲሉ ባሰረጋቸው መነኮሳቱ በኩል ጳጳሳት ሆነው ስለተገኙ ብቻ  ቤተ ክርስቲያኒቱን በእነሱ እጅ በመጥፎ አጋጣሚ እያሾራት መገኘቱ ያሳዝናል። እነ አባ ሉቃስን በመሳሰሉ አድር ብዬዎች በኩል መለመላዋን የተገኘችውን ቤተ ክርስቲያን ለጊዜው ተረክቧት ማኅበሩ እያስተዳደረ ነው። «የበደሉንን ይቅር እንደምንል በደላችንን ሁሉ ይቅር በለን» ማለት የክርስትና ጸሎት ነበር። ይህንን ማለት ግን የአላዋቂዎች ጸሎት ተደርጎ ተቆጥሯል። ዳሩ ግን ሥልጣን እውቀትን በተካበት ዘመን ወንጌል ሥፍራ እንደሌለው እውነት ነው። ይሁን እንጂ የወንጌል እውነት በሥልጣንና በገንዘብ ተቀብሮ ሊቀር አይችልም። ከማኅበረ ቅዱሳን አገልጋይ ጳጳሳትና ከማኅበሩም በላይ ሥልጣንና ኃይል የነበራቸውም እንኳን በታሪክ ውስጥ የወንጌልን እውነት ቀብረው ሊያስቀሩ አልተቻላቸውም። ወንጌል በኃይልና በሥልጣን ሊነሳ ሲፈልግ ቦታውን ግሳንግስ ይወረዋል። በውሸት መካከል የወጣ እውነት ሕይወትን የመስጠት ኃይል የሚኖረው ያኔ ነውና።
  የማኅበሩ እንዲህ መገስገስና በየስፍራው  እያየነው የመንገስ ጉዳይ የጥዋት ጤዛን ያሳየናል። ፀሐይ ሲወጣ ጤዛ ባለበት አይገኝም። ዛሬ ለእግዚአብሔር ያለመመቸታችንና ስለኃጢአታችን በፊቱ ያለመውደቃችን ምክንያት እንጂ ንስሐ ገብተን፤ መልካሙን ዘመን እንዲያመጣልን ከልብ ከጸለይን ብላቴን ላይ የተፈለፈለው ማኅበር እንደጥዋት ጤዛ ቢያለጨልጭም ቀትር ላይ ተመልሰን እንደማናገኘው እርግጠኞች ነን። ለዚህ ጸሎት አንድ ኤልያስ በመካከላችን እንደማይጠፋም እናውቃለን። በሰው ላይ እየፈረደ፤ ራሱን ለንግድ አሳልፎ የሚሰጥ ለጊዜው እንጂ ከቆመበት መውደቁ አይቀርም። ይልቅ ራሱን ለንስሐ ቢያዘጋጅ ይበጀዋል።

«እግዚአብሔርን ደጅ ጥና፥ መንገዱንም ጠብቅ፥ ምድርንም ትወርስ ዘንድ ከፍ ከፍ ያደርግሃል ኃጢአተኞችም ሲጠፉ ታያለህ። ኃጥአን ከፍ ከፍ ብሎ እንደ ሊባኖስ ዝግባም ለምልሞ አየሁት። ብመለስ ግን አጣሁት ፈለግሁት ቦታውንም አላገኘሁም። ቅንነትን ጠብቅ፥ ጽድቅንም እይ ለሰላም ሰው ቅሬታ አለውና። በደለኞች በአንድነት ይጠፋሉ። የኃጢአተኞች ቅሬታ ይጠፋል» መዝ 37፤34-38

 
Share this article :

+ የተሰጡ አስተያየቶች + 20 የተሰጡ አስተያየቶች

Anonymous
December 12, 2013 at 6:02 AM

የተሃድሶ መግነን ከአባ ጳውሎስ ጋር እንደ ጠዋት ጤዛ ጠፍቷል። ከአንተ አባባል በማደስ


አይ የወንድሞች ከሳሽ ግልገል ተሀድሶና የጴንጤ ብችሎች። ቀኑን ሙሉ ማቅ፥ ማህበረ ቅዱሳን እያላችሁ ስትከሱ ነው የምትውሉት። ፈሪሳዊያን ኢየሱስን ለቄሳር ሲከሱ በመንግስትህ መጣብህ እያሉ እንደነበረው አንተና መሰሎችህ ግልገል ጴንጤዎችም ለመንግስት ማቅ እኮ መንግስት ሊሆን ነው የሚፈልገው፤ ካልፈረሰ፥ የሸዋን መንግስት ሊመለስ ነው የሚፈልገው እያላችሁ አይደል እንዴ የክስ መአት ከቤተክህነት እስከ ደህንነት ቢሮ የምትደረድሩት?

Anonymous
December 12, 2013 at 5:23 PM

አሳፋሪዎች ናችሁ እስኪ ንስሐ ግቡ ...ስለበጋሻው ሳይሆን ስለእግዚአብሔር ተናገሩ...ማሕበሩ እንደሆነ የእግዚአብሔርን ስራ በመስራት ላይ ስሆነ ለእናንተ ጊዜ.......

Anonymous
December 12, 2013 at 7:44 PM

Seitanawi Sirachihu endih erefit nesachihu ayidel. Gena eyaweqachihu wedmitademuat ewunegnawa betekirstian temlisachihu nisiha kalgebachihu erefit ayinorachihum.

Anonymous
December 12, 2013 at 7:45 PM

Seitanawi Sirachihu endih erefit nesachihu ayidel. Gena eyaweqachihu wedmitademuat ewunegnawa betekirstian temlisachihu nisiha kalgebachihu erefit ayinorachihum.

Anonymous
December 14, 2013 at 7:21 AM

ለዚህ ዓይነት ደካማ ጽሑፍ እጅንም ማንሳት ባላስፈለገ ነበረ። እርግጥ አንድ የማምንበት ነገር አለ ይህም ሀሳብን በነጻነት መግለጽ ነው። የሆኖ ሆኖ የዚህ ጽሁፍ ዓላማው በእውነት ላይ የተመሠረተ እንዳልሆነ አአምሮ ያለው ያውቀዋል ይረዳዋል ከዚህ ውጪ ግን ምንም ጠቃሚነት ያለው ሆኖ የሚጎዳ ሳይሆን የጸሐፊውን ማንነት በግልጽ የሚያመለክት ነው። እንደነበጋሻው ዓይነቱ በቤተ ክርስቲያን ዙሪያ እንደ አንድ ትልቅ ነገር እየተነገረ መሆኑ የቤተ ክርስቲያኗ አስተዳደር እንዴት ደርጃው ዝቅ እያለ መሄዱን ያሳያል። ከቤተ ክርስቲያኗ አስተምህሮ አንጻር ሲታይ የዚህን ግለሰብ ሁኔታ እንዲህ አጉልቶ ለመነጋገሪያ ማቅረቡ በራሱ የቤተ ክርስቲያኗን ክብር የሚነካ ነውና በብጹዓን አባቶች በኩል በጥብቅ ሊመረመር የሚገባው ጉዳይ መሆን ይኖርበታል። በሌላ በኩል የጽሑፉ ይዘት እንዳሚያመክተው ከመጥፎ ቅንዓትና ከጥቅመኝነት የመነጨ ለመሆኑ እንጂ ሌላም ምንም ፍሬ ያለው አይደለምና በዚህ ጽሑፍ ለደከማችሁት ሁሉ እግዚአብሔር እውነቱን ያስመልክታችሁ።

Anonymous
December 15, 2013 at 8:15 AM

Betiıacha merz temoıteh yetsafikew mehonu bedenb yastawKaı.

Anonymous
December 15, 2013 at 6:54 PM

This is the new low.
በጣም አሳፋሪና ብልግና የተሞላበት ተግባር። እኔ የምፅፍልህ እኮ፤ አንተ ገና ልትፅፍ ስትነሳ ውሸትና ስም ማጥፋት እንደሆነ ብታውቅም፤ እኛም ነቅተናል አትልፋ ለማለት ነው። በመጀመሪያ የምፅፈው አንተ እንድታነበው ነው። ለአንተ መልስ ማለት ነው። ካወጣኸው መልካም በሁለተኛ ደረጃ ነው የማየው።

ከዚህ በፊት ስትገበዝ “ውድ የብሎጋችን አንባቢዎች ለአስተያየቶቻችሁ ክብር አለን። ይህ ብሎግ እንደ ደጀ ሰላም የሰውን አስተያየት ካልተስማማው የሚሰርዝ ብሎግ አይደለም።” ብለህ የፃፍከው ውሸትህን እንደሆነ ላሳይህ ነው። ከዚህ በፊት የፃፍኩትን ሳታወጣ ስትቀር አይ አልደረሰውም ማለት ነው ብዬ አልፍ ነበር። ለካ እየሰረዝከው ነው። መሰረዝ፥ አለማውጣት በስንት ጣዕሙ፥ አንተ ግብዝ ስለሆንክ እንጂ መብትህም ነው።ግን እንዴት የሰውን አስተያየት ቆርጠህ ታወጣለህ? አለማውጣት እያለ? ማፈሪያ፥ ግብዝ። ቆርጦ ማውጣት መብትህ አይደለም።

በ11 የፃፍኩልህን በ12 ቆርጠህ ታወጣለህ? ኸረ እፈር። እና አንተ ተራ አጭበርባሪው ነህ ማቅን የምትከሰው? ሳቅቼ ሞትኩ አለ...። ማፈሪያ።

Anonymous
December 15, 2013 at 6:55 PM

የተሃድሶ መግነን ከአባ ጳውሎስ ጋር እንደ ጠዋት ጤዛ ጠፍቷል። ከአንተ አባባል በማደስ

ዋው መሻሻል ብፁዕ ወቅዱስ አልክ?
ብፅእት ወቅድስት ድንግል ማሪያም ይሄን የደነደነና በምንፍቅና የተሞላ ልብህን በምልጃዋ ታስተካክልልህ። መቼም አይዋጥልህም።


ስሙን ለሰው አዋሰው ይባል የለ? መናፍቁና ፀረ ወንጌሉማ አንተና ራሳችሁን በ30 ዲናር የሸጣችሁ ጓዶችህ ናችሁ። እንደፈሪሳዊ በውሸት ከመክሰስ በስተቀር ምንም የማታውቁ ጉዶች።

የወንድሞች ከሳሽ ግልገል ተሀድሶና የጴንጤ ተቀጣሪ ተላላኪዎች፤ ቀኑን ሙሉ ማቅ፥ ማህበረ ቅዱሳን እያላችሁ ስትከሱ ነው የምትውሉት። ፈሪሳዊያን ኢየሱስን ለቄሳር ሲከሱ በመንግስትህ መጣብህ እያሉ እንደነበረው አንተና መሰሎችህ ግልገል ጴንጤዎችም ለመንግስት ማቅ እኮ መንግስት ሊሆን ነው የሚፈልገው፤ ካልፈረሰ፥ የሸዋን መንግስት ሊመለስ ነው የሚፈልገው እያላችሁ አይደል እንዴ የክስ መአት ከቤተክህነት እስከ ደህንነት ቢሮ የምትደረድሩት?

በአባ ጳውሎስ ሞትማ እናንተም ግብአተ መሬታችሁ ተፈፀመ። ተንፈራገጣችሁ፥ ጣራችሁ ከመላላጥ በስተቀር ምንም ሳትፈጥሩ ቀራችሁ። ብራችሁ በከንቱ ፈሰሰ። በቀላሉ እንኳን ነጋዴው አሸናፊ አባ ጳውሎስ ሲያስነጥሱ መሃረብ በሚያቀርብበት ወቅት ቤተ ጳውሎስ የሚል መካነ ድር ነበረው፤ ሲሞቱበት ያንን ሰርዞ በራሱ ስም ይፅፍ ጀመር።ምስኪን። እሱም ተወገዘ።

ሙስናውና ንቅዘቱንማ እነ እጅጋየሁን፤ ኤልያስን፤ ሰረቀን ታካችሁ ስታስፋፉ አልነበር እንዴ? ለአባ ጳውሎስ እኮ ሃውልት እስከማቆም ሄዳችኋል። በጋሻውና ኤልዛቤል አልነበሩ እንዴ አደራጆቹ?

ጳጳሶቹ የናንተ ማስፈራራትና መደለያ ተቋቁመው፥ ተወጥተው ነው ከማህበሩ መውጣት ያልቻሉት? እናንተ ስማቸውን ካጠፋችሁት የበለጠ የሚጠፋ ስም አላቸው? በምርቃና ምን ያላላችኋቸው አለ? ሌላ እናንተ የማታውቁት አለባቸው? አንተ እንኳን እዚህ አቡነ ጎርጎርዮስን ስማቸውን ስታጠፋ አልነበር? አባ ሰላማ፤ ሙሉጋኔን ወልደሰይጣን ወይም ሙሉጌታና ዌብ ሳይቱ አውደምህረትና አንተ አቡነ ሳሙኤልን፤ አባ አብርሃምን፤ አባ ዲዮስቆሮስና ሌሎቹን ስም ስታጠፉ የምትውሉት? ተራ አሉባልተኞች፤ አንሶላ አጋፈናል ባይ ባለጌዎች። ደሞ ወንጌል እናውቃለን ባይ ግብዝ አስመሳዮች።

በሁለት፥ በሶስት ቢለዋ መብላት ለምዳችሁ እንዴት ለእውነትና ለእውነት ትቆሙ። የጴንጤ ተላላኪዎች፤ ኢትዮጵያ ውስጥ ስትሆኑ የቤተ ክርስቲያን ተቆርቋሪ፤ ውጪ ስትወጡ የስደተኛው ተቆርቋሪ አይደል እንዴ የምትሆኑት? ይሄን አይደል እንዴ የምታደርጉት? ለምሳሌ ትዝታው ከሰረቀ ጋር ወግኖ ማህበሩን ለማፍረስ ተሯሯጠ። እንደውም ከጴንጤ በሚያገኘው ፈንድ በአቋቋመው የEBS ቲቪ ፕሮግራሙን ወክሎ ማቅን ከሰረቀ ጋር ሲከስ ቆየና አሜሪካ ሲመጣ የት ገባ ስደተኛው ሲኖዶስ። አቤት ሁለት፤ ሶስት ቢላ። እናንተ ጥቅም ካስገኘ የማትሸጡት ነገር የለም።

የፓለቲካ ክስህማ ያው እንደናንተ ግብዞች ከሆኑት ከፈሪሳዊያን የተማራችሁት ስለሆነ አይፈረድብህም። ርዕዮት የተባለችው ጋዜጠኛ ፎቶ አንስታ ለኤልያስ ክፍሌ በመላኳ እስር ቤት ናት። ኤልያስ መንግስት በሽብርተኝነት የከሰሰው ሰው ነው። ኤልያስ እንደናንተ ገንዘብ ካወጣ የማይሸጠው የሌለ ግለሰብ ነው። ለማቅ ያለው ጥላቻ ለወያኔ ካለውም ይበልጣል። ይሄን ሁሉ ወጣት ይዞ ወያኔን ስላልተቃወመለት ይጠላዋል። የሱ ሁለት የማይቀየሩ ጠላቶቹ ሁለቱ ናቸው። ልክ እንደሱ በጥላቻ የተሞላው ሙሉጌታ ወይም ጓደኞቹ እንደሚጠሩት ሙሉጋኔን ዲያቆን የሚለውን ስም ሳይጥል የፓለቲካ ዝባዝንኬና ማቅን የሚሳደብ ማንኛውንም ፅሁፍ ያወጣለታል። ሙሉጋኔን ከኤልያስ የሚለየው በአሁኑ ጊዜ ማቅ ብቻ ነው ጠላቱ። ወያኔን በመስደብ የተነሳው መሞነጫጨር አሁን በግልፅ የወያኔ ደጋፊነቱን አስመስክሯል፤ተገለበጠ ማለት ነው። ታዲያ ይሄ ከ“አሸባሪ” ጋር የተባበረ ፓለቲከኛ እያለ ወዴት ወዴት ነው?


ሲጠቃለል ያልበላህን አትከክ። አይናችሁ ውስጥ ያለውን ግንድ አውጡ። ምንፍቅናህን ይዘህ ከሚመስሉህ ጋር የራስህን እምነት አራምድ። እስከመቼ በማታለል ትኖራላችሁ?

Anonymous
December 15, 2013 at 7:12 PM


የተሃድሶ መግነን ከአባ ጳውሎስ ጋር እንደ ጠዋት ጤዛ ጠፍቷል። ከአንተ አባባል በማደስ

ዋው መሻሻል ብፁዕ ወቅዱስ አልክ?
ብፅእት ወቅድስት ድንግል ማሪያም ይሄን የደነደነና በምንፍቅና የተሞላ ልብህን በምልጃዋ ታስተካክልልህ። መቼም አይዋጥልህም።


ስሙን ለሰው አዋሰው ይባል የለ? መናፍቁና ፀረ ወንጌሉማ አንተና ራሳችሁን በ30 ዲናር የሸጣችሁ ጓዶችህ ናችሁ። እንደፈሪሳዊ በውሸት ከመክሰስ በስተቀር ምንም የማታውቁ ጉዶች።

የወንድሞች ከሳሽ ግልገል ተሀድሶና የጴንጤ ተቀጣሪ ተላላኪዎች፤ ቀኑን ሙሉ ማቅ፥ ማህበረ ቅዱሳን እያላችሁ ስትከሱ ነው የምትውሉት። ፈሪሳዊያን ኢየሱስን ለቄሳር ሲከሱ በመንግስትህ መጣብህ እያሉ እንደነበረው አንተና መሰሎችህ ግልገል ጴንጤዎችም ለመንግስት ማቅ እኮ መንግስት ሊሆን ነው የሚፈልገው፤ ካልፈረሰ፥ የሸዋን መንግስት ሊመለስ ነው የሚፈልገው እያላችሁ አይደል እንዴ የክስ መአት ከቤተክህነት እስከ ደህንነት ቢሮ የምትደረድሩት?

በአባ ጳውሎስ ሞትማ እናንተም ግብአተ መሬታችሁ ተፈፀመ። ተንፈራገጣችሁ፥ ጣራችሁ ከመላላጥ በስተቀር ምንም ሳትፈጥሩ ቀራችሁ። ብራችሁ በከንቱ ፈሰሰ። በቀላሉ እንኳን ነጋዴው አሸናፊ አባ ጳውሎስ ሲያስነጥሱ መሃረብ በሚያቀርብበት ወቅት ቤተ ጳውሎስ የሚል መካነ ድር ነበረው፤ ሲሞቱበት ያንን ሰርዞ በራሱ ስም ይፅፍ ጀመር።ምስኪን። እሱም ተወገዘ።

ሙስናውና ንቅዘቱንማ እነ እጅጋየሁን፤ ኤልያስን፤ ሰረቀን ታካችሁ ስታስፋፉ አልነበር እንዴ? ለአባ ጳውሎስ እኮ ሃውልት እስከማቆም ሄዳችኋል። በጋሻውና ኤልዛቤል አልነበሩ እንዴ አደራጆቹ?

ጳጳሶቹ የናንተ ማስፈራራትና መደለያ ተቋቁመው፥ ተወጥተው ነው ከማህበሩ መውጣት ያልቻሉት? እናንተ ስማቸውን ካጠፋችሁት የበለጠ የሚጠፋ ስም አላቸው? በምርቃና ምን ያላላችኋቸው አለ? ሌላ እናንተ የማታውቁት አለባቸው? አንተ እንኳን እዚህ አቡነ ጎርጎርዮስን ስማቸውን ስታጠፋ አልነበር? አባ ሰላማ፤ ሙሉጋኔን ወልደሰይጣን ወይም ሙሉጌታና ዌብ ሳይቱ አውደምህረትና አንተ አቡነ ሳሙኤልን፤ አባ አብርሃምን፤ አባ ዲዮስቆሮስና ሌሎቹን ስም ስታጠፉ የምትውሉት? ተራ አሉባልተኞች፤ አንሶላ አጋፈናል ባይ ባለጌዎች። ደሞ ወንጌል እናውቃለን ባይ ግብዝ አስመሳዮች።

በሁለት፥ በሶስት ቢለዋ መብላት ለምዳችሁ እንዴት ለእውነትና ለእውነት ትቆሙ። የጴንጤ ተላላኪዎች፤ ኢትዮጵያ ውስጥ ስትሆኑ የቤተ ክርስቲያን ተቆርቋሪ፤ ውጪ ስትወጡ የስደተኛው ተቆርቋሪ አይደል እንዴ የምትሆኑት? ይሄን አይደል እንዴ የምታደርጉት? ለምሳሌ ትዝታው ከሰረቀ ጋር ወግኖ ማህበሩን ለማፍረስ ተሯሯጠ። እንደውም ከጴንጤ በሚያገኘው ፈንድ በአቋቋመው የEBS ቲቪ ፕሮግራሙን ወክሎ ማቅን ከሰረቀ ጋር ሲከስ ቆየና አሜሪካ ሲመጣ የት ገባ ስደተኛው ሲኖዶስ። አቤት ሁለት፤ ሶስት ቢላ። እናንተ ጥቅም ካስገኘ የማትሸጡት ነገር የለም።

የፓለቲካ ክስህማ ያው እንደናንተ ግብዞች ከሆኑት ከፈሪሳዊያን የተማራችሁት ስለሆነ አይፈረድብህም። ርዕዮት የተባለችው ጋዜጠኛ ፎቶ አንስታ ለኤልያስ ክፍሌ በመላኳ እስር ቤት ናት። ኤልያስ መንግስት በሽብርተኝነት የከሰሰው ሰው ነው። ኤልያስ እንደናንተ ገንዘብ ካወጣ የማይሸጠው የሌለ ግለሰብ ነው። ለማቅ ያለው ጥላቻ ለወያኔ ካለውም ይበልጣል። ይሄን ሁሉ ወጣት ይዞ ወያኔን ስላልተቃወመለት ይጠላዋል። የሱ ሁለት የማይቀየሩ ጠላቶቹ ሁለቱ ናቸው። ልክ እንደሱ በጥላቻ የተሞላው ሙሉጌታ ወይም ጓደኞቹ እንደሚጠሩት ሙሉጋኔን ዲያቆን የሚለውን ስም ሳይጥል የፓለቲካ ዝባዝንኬና ማቅን የሚሳደብ ማንኛውንም ፅሁፍ ያወጣለታል። ሙሉጋኔን ከኤልያስ የሚለየው በአሁኑ ጊዜ ማቅ ብቻ ነው ጠላቱ። ወያኔን በመስደብ የተነሳው መሞነጫጨር አሁን በግልፅ የወያኔ ደጋፊነቱን አስመስክሯል፤ተገለበጠ ማለት ነው። ታዲያ ይሄ ከ“አሸባሪ” ጋር የተባበረ ፓለቲከኛ እያለ ወዴት ወዴት ነው?


ሲጠቃለል ያልበላህን አትከክ። አይናችሁ ውስጥ ያለውን ግንድ አውጡ። ምንፍቅናህን ይዘህ ከሚመስሉህ ጋር የራስህን እምነት አራምድ። እስከመቼ በማታለል ትኖራላችሁ?

Anonymous
December 16, 2013 at 11:20 AM

tegebi melis

Anonymous
December 25, 2013 at 5:05 PM

ማኅበረ ቅዱሳን ቤተ ክርስቲያኒቱን ተረክቧት እያስተዳደረ ይገኛል። Des sil EGZIABHER yimesgen.

Anonymous
December 25, 2013 at 5:05 PM

ማኅበረ ቅዱሳን ቤተ ክርስቲያኒቱን ተረክቧት እያስተዳደረ ይገኛል። Des sil EGZIABHER yimesgen.

Anonymous
December 25, 2013 at 5:05 PM

ማኅበረ ቅዱሳን ቤተ ክርስቲያኒቱን ተረክቧት እያስተዳደረ ይገኛል። Des sil EGZIABHER yimesgen.

Anonymous
December 25, 2013 at 5:05 PM

ማኅበረ ቅዱሳን ቤተ ክርስቲያኒቱን ተረክቧት እያስተዳደረ ይገኛል። Des sil EGZIABHER yimesgen.

Anonymous
December 25, 2013 at 5:05 PM

ማኅበረ ቅዱሳን ቤተ ክርስቲያኒቱን ተረክቧት እያስተዳደረ ይገኛል። Des sil EGZIABHER yimesgen.

Anonymous
December 25, 2013 at 5:05 PM

ማኅበረ ቅዱሳን ቤተ ክርስቲያኒቱን ተረክቧት እያስተዳደረ ይገኛል። Des sil EGZIABHER yimesgen.

Anonymous
December 28, 2013 at 10:11 AM

ማኀበረ ቅዱሳን፣ ማኀበረ ቅዱሳን ሕልማችሁም ቅዠታችሁም ማኀበረ ቅዱሳን ነው፡፡ እሱ ይሰራል እናንተ ታወራላችሁ፡፡ ምንም ላትፈይዱ፡፡ እባካችሁ ቤተክርስቲያናችንን ለቀቅ አድርጉልን ባዶ ነታችሁን ይዛችሁ ተቀመጡ፡፡ ማኀበረ ቅዱሳን ገና ያብባል፡፡ ሥራውን አየን ሚሊዮኖች ተከተልነው፡፡ ማኀበረ ቅዱሳን፣ ማኀበረ ቅዱሳን ሕልማችሁም ቅዠታችሁም ማኀበረ ቅዱሳን ነው፡፡ እሱ ይሰራል እናንተ ታወራላችሁ፡፡ ምንም ላትፈይዱ፡፡ እባካችሁ ቤተክርስቲያናችንን ለቀቅ አድርጉልን ባዶ ነታችሁን ይዛችሁ ተቀመጡ፡፡ ማኀበረ ቅዱሳን ገና ያብባል፡፡ ሥራውን አየን ሚሊዮኖች ተከተልነው፡፡

Anonymous
December 28, 2013 at 10:11 AM

ማኀበረ ቅዱሳን፣ ማኀበረ ቅዱሳን ሕልማችሁም ቅዠታችሁም ማኀበረ ቅዱሳን ነው፡፡ እሱ ይሰራል እናንተ ታወራላችሁ፡፡ ምንም ላትፈይዱ፡፡ እባካችሁ ቤተክርስቲያናችንን ለቀቅ አድርጉልን ባዶ ነታችሁን ይዛችሁ ተቀመጡ፡፡ ማኀበረ ቅዱሳን ገና ያብባል፡፡ ሥራውን አየን ሚሊዮኖች ተከተልነው፡፡ ማኀበረ ቅዱሳን፣ ማኀበረ ቅዱሳን ሕልማችሁም ቅዠታችሁም ማኀበረ ቅዱሳን ነው፡፡ እሱ ይሰራል እናንተ ታወራላችሁ፡፡ ምንም ላትፈይዱ፡፡ እባካችሁ ቤተክርስቲያናችንን ለቀቅ አድርጉልን ባዶ ነታችሁን ይዛችሁ ተቀመጡ፡፡ ማኀበረ ቅዱሳን ገና ያብባል፡፡ ሥራውን አየን ሚሊዮኖች ተከተልነው፡፡

Anonymous
February 24, 2014 at 4:18 PM

ማኀበረ ቅዱሳን፣ ማኀበረ ቅዱሳን ሕልማችሁም ቅዠታችሁም ማኀበረ ቅዱሳን ነው፡፡ እሱ ይሰራል እናንተ ታወራላችሁ፡፡ ምንም ላትፈይዱ፡፡ እባካችሁ ቤተክርስቲያናችንን ለቀቅ አድርጉልን ባዶ ነታችሁን ይዛችሁ ተቀመጡ፡፡ ማኀበረ ቅዱሳን ገና ያብባል፡፡ ሥራውን አየን ሚሊዮኖች ተከተልነው፡፡

May 12, 2014 at 5:30 PM

እግዚአብሔር ማህበረ ቅዱሳንን ይጠብቅልን፡፡ ወሬኞች ወሬ ያዉሩ ተዋቸዉ፡፡

Post a Comment

አስተያየቶች

 
Support : | |
Copyright © 2011. ደጀ ብርሃን dejebirhan - All Rights Reserved

Proudly powered by Blogger