«እኔ የመረጥኩት ጾም»

እኔስ የመረጥሁት ጾም ይህ አይደለምን? (ክፍል ፩)

የያዝነው አርባ ጾም ዐቢይ (ታላቅ) ጾም እንደመሆኑ መጠን በመጽሐፍ ቅዱሳችን በምዕራፉ ሙሉ ስለጾም የሚናገረውን ትንቢተ ኢሳይያስ ም. ፶፰ ከሕይወታችን ጋር በማያያዝ መጽሐፍ ቅዱስ የሚያስተምረንን እናያለን።

ትንቢተ ኢሳይያስ ምዕራፍ ፶፰፡-

ቁ .፩  በኃይልህ ጩኽ፥ አትቈጥብ፥ ድምፅህን እንደ መለከት አንሣ፥ ለሕዝቤ መተላለፋቸውን ለያዕቆብ ቤትም ኃጢአታቸውን ንገር።

ኃጢአት ሰዎችን ከእግዚአብሔርን የሚለይ ሲሆን ንስሐ ወደ እግዚአብሔር እንዲመለሱ የሚያደርግ ተግባር ነው። ሰዎች ወደ እግዚአብሔር እንዲመለሱ ኃጢአታቸው ሊነገራቸው፡ እነርሱም ኃጢአታቸውን በመናገር ንስሐ ሊገቡ ይገባል። በዚህ ክፍል እግዚአብሔር ነቢዩ ኢሳይያስን ለአይሁድ ኃጢአታቸውን እንዲነግራቸው ያዘዋል። አይሁድ እግዚአብሔርን የሚያውቁና የሚያምኑ ሕዝቦች ቢሆኑም ጥፋታቸው ሊነገራቸው ይገባ ነበርና ነቢዩን ላከላቸው።

ዛሬ እግዚአብሔርን የሚያውቁና፡ በቤቱ ስለሚኖሩ ክርስቲያኖች ጥፋት ምን እያደረግን ነው? ጥፋታቸው ለራሳቸው ተነግሮአቸው ንስሐ እንዲገቡ ወይስ ለሌላው ተነግሮባቸው እንዲበረግጉ?  ወንድሞቻችን ምንም ዓይነት ጥፋት ያጥፉ ቁም ነገሩ ለምን አጠፉ? ሳይሆን እንዴት ይመለሱ? መሆን አለበት። አንድ ወንድም «ከጥፋቴ በፊት መጥፋቴ ያሳስባችሁ» ብሎአል። ብዙ ጊዜ ስለ ጥፋታቸው እንጂ ስለመጥፋታቸው አናስብም። እግዚአብሔር ግን ሁሉም በጥፋታቸው ተጸጽተው በንስሐ ይመለሱ ዘንድ ጥሪ እንድናደርግ በኃይልህ ጩኽ፥  ዝም እንዳንልም አትቈጥብ  ይለናል። በአንድምታውም ጩኽህ አስተምር፡ ማስተማሩን ቸል አትበል ይላል።

«አንድ ሳንቲም»

 

የአንድ ሳንቲም ሁለት ገጽታ!

አንድ ሳንቲም ሁለት ገጻት አለው። እንደሀገርኛው ቀደምት አባባል በአንደኛው ገጽ «አንበሳ» ሲሆን በሌላኛው «ዘውድ» ነው። አንበሳው ኃይሉን የሚገልጽ ሲሆን ዘውዱ ደግሞ ሥልጣኑን ያመለክታል።

እንደዚሁ ሁሉ ማኅበረ ቅዱሳን አንደኛውን ገጽ ልክ እንደአንበሳ «ደጀ ሰላም» ብሎ በሰላም ስም አንድም የሰላምን የወንጌል አስተምህሮ ሳይጽፍ እያጓራ ያስፈራራበታል ወይም ስም ያጠፋበታል። በዘውዱ በኩል ደግሞ የማኅበረ ቅዱሳን ድረ ገጽ በሚል ፊቱ የወንጌል ቃል ተናጋሪና አስተማሪ መሆኑን ያሳይበታል። እንደዚህ ነው በአንድ ሳንቲም ሁለት ገጽ ማለት!! ይህ ማኅበር ደግሞ በጣም የገባው ነው። ሲሰራ እንደዚያ ነዋ!!

የሀገሬ ሰውም «ሁለት ባላ ትከል፣ አንዱ ሲነቀል ባንዱ ተንጠልጠል» ይል የለ!!

«ደጀ ሰላም» ብሎግ ስለጾም፣ ስለጸሎት፣ ስለቅዱሳን ወይም ስለወንጌል አስተምህሮ የተሰጠው የገጽታ ግንባታ ኃላፊነት ስለሌለው ለሌላኛው ገጹ ጠቅልሎ በማስረከብ ስራውን በትኩስ ዜና፣ በመርዶ ነገራ፣በተሃድሶ ዘመቻ፣ በትችትና በነቀፋ፣ በያዘው፣ ደረስኩብህ ሩጫ ላይ ተጠምዶ ይህንኑ ያከናውናል።

ሁለቱ ፊቶች አንዳንዴ እንደዚህ አንድ መሆናቸውን ይመሰክሩልናል። ሁለቱም ቆሮንቶስ ላይ ሱባዔ የያዙ ለመምሰል መልካቸውን ቀይረው አንድነታቸውን ያሳዩናል።

አቤት አንድ መሆናችሁ ሲያምርባችሁ! ግን ለምን ትከዳዳላችሁ?

ሆድ ሲያውቅ ዶሮ ማታ ዓይነት ከእውነቱ መሸሽ ጥሩ አይደለምና እንደመልካችሁ አዋጅ ነግራችሁ የአንድ ሳንቲም ሁለት ገጻት መሆናችሁን አጠንክሩ! ምክራችን ነው።

ሰው እንዴት እሪያ ይሆናል?

                                                       የማትጠራ እሪያ!
ይድረስ ለአባ ገሪማ
 ከአትናቴዎስ
 እግዚአብሔር ፍቅር ነው። ፍቅሩ ደግሞ እርቅ ነው። አንተ ግን ይህንን ሁሉ አሻፈረኝ አልክ። ምን እንበልህ?
ሙሉውን ጽሁፍ ለማንበብ ምስሉን ይጫኑ!