የፍቅር ለይኩን አላማ ማኅበረ ቅዱሳንን መታደግ ወይስ እውነትን መዋጋት?

                               ምንጭ፤ ዓውደ ምሕረት

ፍቅር ለይኩንን በግሌ በጣም አደንቀዋለሁ። በማንኛውም ርዕስ ጽሁፍ ሲጽፍ ነገሮችን በሚያይበት ዕይታ በእጅጉ እመሰጣለሁ። አገር ውስጥ ያሉ መጽሔቶች ለምን አምድ እንደማይሰጡት ሁሌም ግራ ይገባኛል። አገሩን እና ቤተክርስቲያንን የሚወድበትን ፍቅር ያንንም የሚገልጽበትን መንገድም አደንቃለሁ። ነገር ግን ማኅበረ ቅዱሳን ጋር ሲደርስ ሚዛናዊነቱን ሚዛን ያሳጠበት ምክንያት እየደነቀኝ ግን መልስ ልሰጠው ተገድጃለሁ። በመጀመሪያ አባ ሰላማ ላይ በጻፈው ጽኁፍ ካለኝ ከበሬታ አንጻር በዝምታ ላልፈው ብፈልግም ለደጀ ብርሃን የሰጠው የመልስ መልስ ግን ያለመናገር መብቴን ስለገፈፈው በጽኁፉ ላይ ያሉትን ሚዛን ያጣባቸውን ነገሮች ለመተቸት ተገድጃለሁ።

ላለፉት ስድስት አመታት አቡነ ጳውሎስ በዘረኝበት በሌብነት በተሃድሶነት ተጠርጥረው ሲሰደቡ አቡነ ገሪማ አቡነ ፋኑኤል አቡነ ሳዊሮስ ያለስማቸው ስም እየተሰጣቸው ሲሰደቡ ዲያቆን አሰግድ በሀሰት በከፍተኛ ደረጃ ስሙ ሲጠፋ ወንጌል ሰበክ ተብሎ ፓስተር ሲባል መጋቤ ሀዲስ በጋሻው ለምን እውነትን አገለገልክ ተብሎ በከፍተኛ ደረጃ የስነ ምግባር ጉድለት በተቀነባበረ ካሴት ካደ ሲባል አባ ሰረቀብርሃን በህጋዊ መንገድ ሂዱ ባሉ በጠላትነት ተፈርጀው ሲብጠለጠሉ እነ አእመረ፣ ሀይለጊዮርጊስ፣ ኑብረዕድ ኤልያስ፣ ዲያቆን ትዝታው፣ መምህር ዳንኤል ሰይፈሚካኤል፣ በሪሁን፣ ተረፈ፣ ያሬድ፣ ታሪኩ……በተለያዩ የማኅበረ ቅዱሳን ብሎጎች በከፍተኛ ደረጃ ሲብጠለጠሉ እንደ ተራራ የተቆለለው ትዕግስትህ ምነው አውደ ምህረትና አባ ሰላማ በጻፉት ጽሁፍ ጊዜ እንደ ገለባ ክምር ተበታተነ?

በመጀመሪያ አባ ሰላማ ላይ ላወጣኸው ጽኁፍ ለተሠጡህ ጠንካራ አስታየቶች በሰጠኸው ምላሽ እንጀምር “…የመጻፋችን ዓላማ እርስ በርስ ለመተናነጽና ለመማማር እስከሆነ ድረስ መልካም ነው እላለሁ፡፡” በማለት ጀምረሀል ፍቅር እስኪ እንደገና አባ ሰላማ ላይ ያወጣኸውን ጽሁፍ ተመልከተው በርግጥ እሱ ጽሁፍ የመመካከርና የመማማር ለዛ ነበረው? ስድብ ያልከውን ነገር በስድብ ከማወራረድ በቀር ምን አይነት ምክር ጠቅሰሃል? የጻፍከው መቅሰፍት አዘል ማስፈራሪያ መሆኑንስ ትስተዋለህ?  ጽሁፍህ ላይ “…እየተገለጸ ያለው ገመና ጆሮን ጭው የሚያደርግ ነው።…” በማለትህ ግን ሳናመሰግንህ አናልፍህም። አንተም ቢሆን ያልሆኑትን ተባሉ አላልክምና እና ነው። በበኩላችን በጻፍነው ነገር አናፍርም ሀሰትን ላለመጸፍ እንጠነቀቃለን።

ለገመናቸው ሲሉ ግን የቤተክርስቲያን ልጆችን ለማጥቃትና ቤተክርስቲያንን ለማፍረስ የሚተጉትን አባቶችንና የማኅበረ ቅዱሳን አባላትን ብሎጎቻቸው ሊገነቡላቸው የሚፈልጉትን የሐሰት ገጽታ ከመናድና ትክክለኛ ማንነታቸውን ከመግለጽ ግን ወደ ኃላ እንልም። እነዚህ ሰዎች ስለ ራሳቸው ኃጢአት እየተጸጸቱ ንስሀ ከመግባት ባለፈ ንጹሀንን እያሳደዱ ሊገነቡ የሚፈልጉትን ከንቱ ዝና የመግለጽና መንፈሳዊ ሰው መስለው ሌሎችን ለመቃወም የሞራል ብቃቱና መንፈሳዊነቱ እንደሌላቸው እውነትን ለሚፈልጉ አንባቢዎቻችን የማሳየት ግዴታ አለብን።

በአስተያየትህ ላይ “እንግዲህ እግዚአብሔር ያሳያችሁ እኔ የማንንም ግለሰብም ሆነ ብሎግ ስም አልጠቀስኩም፡፡” ብለህ መጻፍህ በጉዳዩ ላይ ሚዛናዊነት እንደጎደልህ ያሳያል። ሌላ አስተያየት ሰጪ በምላሽህ አዝኖ “ሁሉንም ብሎጎች ሳይሆን የጠቀስከው አባ ሰላማን እና አውደ ምህረትን ብቻ ነው። ምሳሌዎችህን በጥንቃቄ ተመልከታቸው። ቀውስ ጦስ ማን ላይ የወጣ ጽሁፍ ነው? የጉድ ሙዳይ ማን ላይ የወጣ ጽሁፍ ነው? ሁሉንም ለመውቀስ ብትፈልግ ሳይሳደቡ ውለው ከማያድሩት ከደጀ ሰላምና ከአንድ አድርገን የሚጠቀስ ምሳሌ አጣህ? ቢያንስ እንድንረዳህ ስህተትህን እመን።” ያለውን ሀሳብ አኔም እጋራለሁ። በኛ በኩል አቡነ አብርሃምን የጉድ ሙዳይ ማለታችንን አናፍርበትም ስለ እሳቸው ጉድ አይደለም ሙሉ ታሪኩን ገና መቅድሙንም አልጻፍነው። ሲጀመር መቼ የተዋህዶ ልጅ ሆኑና ነው። ለእሳቸው እኮ የቤተክርስቲያን ልጆች መወገዝ በጣም ተራ ነገር ነው። የሚመኙት ጠቅላላ ቤተክርስቲያኒቱን ማውገዝ ነው። ሲቀጥል እንዲህ እና እንዲያ ተብለው የሚጠቀሱ እንኳን ከጳጳስ ከአንድ ምዕመንም የማይጠበቁ በርካታ ጉዶች አሉባቸው። በቤተ ክህነት አካባቢ እሳቸው ሲገቡ ጳጳሳቱ  ቀስ እያሉ “ሙዳየ መና ዘጉድ ሙዳየ መና” እያሉ የሚዘምሩላቸው ማንነታቸውን በሚገቡ ስለተገነዘቡ ይመስለኛል።

 ስለአባ ሳሙኤል ስለጻፍነው ጽኁፍ ስትጽፍም እንዲህ ብለሀል “…አባ ሳሙኤልና ሚጡ ተለዋውጠውታል የተባለው ለጆሮ የሚቀፍ ንግግርን በዝርዝር መዘገብ በምን መልኩ መንፈሳዊ ለዛ ያለው ለቤተ ክርስቲያን ህልውና የቆመ ጹሑፍ ሊሆን እንደሚችል አንባቢ ይፍረደው…” ፍቅር እንዴት አድርገህ እንዳነበብከው አናውቅም እንጂ እኛ ግን ሚጡ የተናገረችውን ጸያፍ ንግግር … አድርገን ነው ያለፍነው ለምን አልገለጻችሁትም ከሆነ እና ምን እንዳለች ማወቅ ከፈለክ ግን ሁሌም በጽሁፍ ስር በምትገልጸው ኢሜልህ እንልክልሀን። ነገሩን ከ10 በላይ ምስክሮች እንዳዩት ስለምናውቅና የማኅበረ ቅዱሳን መሳሪያ የሆኑበት ኢየሱስ ክርስቶስ ዋናችን ነው ያለን ሰው ከእነርሱ በቀር ማንም የሚያውቀው በሌለ ፍጹም ስህተት በሆነ ልዩ የውግዘት ሀሳብ ለማውገዝ የደፈሩ ሰው መንፈሳዊነቱ ቢጎል ሰብዓዊነቱ እንኳ ያጡበት ምክንያት ምን እንደሆነ ማሳየት ተገቢ ነው፡፡ ደግሞ ጥፊው ለሳቸውም ለአይዞህ ባያቸው ማኅበር ማኅበረ ቅዱሳንም የእግዚአብሔር ፍርድ መሆኑን እናምናለን፡፡

አስተውለኸው ከሆነ አባ ሰላማ ላይ ከቀረቡት ጽሁፍ ሁሉ በሬሽዎ ሲሰላ ያንተን ጽኁፍ ያህል ብዙ ተቃማዊ ያስተናገደ ጸሀፊ የለም ለምን ይመስልሀል? ምክንያቱም በከፍተኛ ደረጃ ሚዛናዊነት ስላጣህ ነው።

የጳጳሳትን ገመና የምንከድነው እኛ አይደለንም። ወይም እያስፈራራ ያልኩዋችሁን ፈጽሙ አሊያ…የሚለው ማኅበረ ቅዱሳንን አይደለም። እነርሱን ገመና የሚከድነው እውነተኛ ንስሀና ለእውነተኛው የእግዚአብሔር ክብር መኖር ነው። እስከመውለድ ድረስ የገለጡትን ገመና እንዴት አርገን ነው የምንሸፍነው? ልጁን ለካደ ጳጳስ ጌታውን እንደማይክድ ምን ዋስትና አለን? እያደረጉት ያለውንስ ይሄንን አይደለምን?

ፍቅር አንተ ተንጠራርተህ መንካት የፈለከው የማኅበረ ቅዱሳን ተቃዋሚ ብሎጎችን ብቻ ነው። አይንህን ጨፍነህ እንኳን ብታይ በጭላንጭል ውስጥ ከቶውን ልታጣቸው የማትችላቸውንና አንተም ብትሆን  ውሸትነታቸውን ልትመሰክርላቸው የምትችላቸውን በርካታ የስም ማጥፋት ዘገባዎችን የሚያወጡ የማቅ ብሎጎችን በዝምታ አልፈህ የእነርሱን ተቃማዊሞች ግን እወቁልኝ በሚል መንፈስ ስማቸውን ተራ በተራ እየዘረዘርክ ማሻቀልህ አሳዝኖናል። ጽኁፍህ ሰው ምንም ሚዛናዊ ቢሆን ሁሌም በቀላሉ የሚነካ ስስ ብልት እንዳለው  ያሳየ ጽኁፍ ነው። 

«የታማኝ ወዳጆች መከዳዳት»

 ባንድ አገር የሚተማመኑ ሁለት ሰዎች ነበሩ። ከነዚህም አንደኛው በሀብቱ የገነነ በሽምግልናው የተከበረ ሲሆን ሁለተኛው ደግሞ እየሠራ ከሚያፈራው ከዕለት ምግቡ ካመት ልብሱ የሚተርፈው ገንዘቡን እየወሰደ ባደራ ስም አኑርልኝ እያለ ለባለጸጋው የሚሰጥ ነበረ። ያም ታማኝ መሳዩ ሽማግሌ ያደራውን ገንዘብ እየተቀበለ ሲያስቀምጥለት ቆይቶ አንድ ቀን ባለ ገንዘቡ ለዕለት ችግሩ ካኖረው ሒሳብ ላይ ጥቂት እንዲሰጠው ቢጠይቀው ምን ሰጠኸኝና ትጠይቀኛለህ አላየሁም ብሎ ጨርሶ ካደው፤ እየተመላለሰ በማሳዘን ቢለምነውም አላዘነለትም፣ አልራራለትም። ቁርጡን ካወቀ በኋላ ላገሩ ዳኛ ክስ ለማቅረብ ሄዶ አመለከተ፤ ዳኛውም ስትሰጠው ያየህ ምስክር የሚሆን ሰው አለህን ብሎ ቢጠይቀው ከኔና ከሱ በቀር ማንም ሰው አልነበረም አለው። እንግዲያስ እኔ እጠይቅልሃለሁና ከሦስት ቀን በኋላ ተመልሰህ እንድትመጣ ብሎ አስታወቀው።

ብልኁ ዳኛ አደራ አስቀማጩን ሰው ጠርቶ፣ አሁን ያስጠራሁህ እኔ በድንገት ከዚህ አገር ከሹመቴ ተሽሬ መሄዴ ነው፤ ብጠይቅ ባስጠይቅም ታማኝ ሽማግሌ ባገር ያለኸው አንተ መሆንህን ሰማሁ፡ ስለዚህ ዕቃዬንና ያለኝን ገንዘቤን በሙሉ አንድ ጊዜ አንሥቼ ለመሄድ ስለማይቻለኝ አንተ ዘንድ እንድታስቀምጥልኝና በየጊዜው ሰው ስልክ እንድትሰጥልኝ እለምንሃለሁ አለው።

ሽማግሌውም እንግዲህ ይህ ያገር ዳኛ ትልቅ ሰው ስለ ሆነ ባደራ የሚያስቀምጠው ገንዘብ በብዙ ሺ የሚቆጠር ዕቃውም ካይነቱ ብዛት ጋራ የበረከተ ይሆናልና ይኸን ተቀብዬ አላየሁም ብዬ ባለሀብት ባለገንዘብ እሆናለሁ ብሎ ደስ አለውና ለዳኛው እሺ ጌታዬ ሲል መልስ ሰጠው።

ከሦስት ቀንም በኋላ ያ ባለገንዘብ ለዳኛው በቀጠሮዬ መጥቻለሁ ብሎ አመለከተው። እንግዲህ ሂድና አንዳችም ነገር ሳትጨምር ባገሩ ዳኛ ልከስህ ነውና ገንዘቤን ስጠኝ በለው፤ በዚያም ጊዜ ገንዘብህን በሙሉ አንድም ሳያስቀር ጨርሶ ይሰጥሃል አለው። እንደ ተባለውም ሁሉ ሄዶ ቢጠይቀው ይህን አልሰጥም ያልኩት እንደ ሆነ ለዳኛው ሲነግረው ከሓዲነቴን ያውቅብኝና የሱን ብዙውን ገንዘብና ዕቃ ያስቀርብኛል ሲል ገንዘቡን በሙሉ አውጥቶ ሰጠው ይባላል።

ከ እንቅልፍ ለምኔ፣ 3ኛ እትም። ከብ/ጌታ ማኅተመ ሥላሴ። 1960። አርቲስትክ ማተሚያ። አ/አ። ገጽ 184-185

ሁሉም ነገር ወደ ማኅበረ ቅዱሳን ያሉ ይመስላሉ አንዳንድ ብሎጎች!

 

በፍቅር ለይኩን፡፡

የደጀ ብርሃን ጸሐፊዎች «አህያውን ፈርቶ ዳውላውን» እንዲሉ እባካችሁ የአባቶችን ገመና እና ኃጢአት እንዲህ ጨዋነት በጎደለው መልኩ በየአደባባዩ እያወጣንና እየዘረዘርን ከመንፈሳዊነት ሕይወት ውጭ አንሁን ይሄ ዓይነቱ መንገድ መንፈሳዊነቱ ቢቀር ኢትዮጵያዊው ጨዋነትና ባሕል አይፈቅደውም እና እንተወው ለሚል ጹሑፌ የዛሬ ሁለት ዓመት በጻፍኩት ጹሑፍ ተነስተው አንተ በመንግሥት ተቃዋሚ ድረ ገጾች አቡነ ጳውሎስንና ቤተ ክህነቱን እንዳሻህ ስታብጠለጥል ቆይተህና በአፍቃሪ ማኅበረ ቅዱሳን ብሎጎች ላይ እንዳሻህ ስትሆን ከርመህ ዛሬ እኛ ያሻነውን ብንል ምነው ቆጨህ በማለት፣ ያሻንን በማለት መብታችን ላይ አትምጣብን በማለት የክርክሩን ጭብጥ ለቀቀውና አይወርዱ አወራረድ ወርደው ከቆየ ጹሑፌ ጥቂት መስመሮችን ብቻ በመውሰድ የጹሑፌ አጠቃላይ ጭብጥና መንፈስ ምን መሆኑን ለአንባቢያን ሙሉ መረጃ በማይሰጥ መልኩ በዘረኝነትና በጎጠኝነት ሊፈርጁኝ ደፈሩ፡፡

ደጀ ብርሃኖች ለምን እንዲህ ዓይነቱን መሰሪ አካሄድ እንድመረጡትም ግራ ገብቶኛል፣ ምላሽ ልሰጣቸው አስቤ ነበር ግን ጽንፈኝነት የሞላበትና ሚዛናዊነት የጎደለው የሚመስለው አካሄዳቸው ስላልጣመኝ ተውኩት ደግሞም አንባቢያን ለሕይወታቸው የሚተርፍ የወንጌል ትምህርት ፍለጋ በሚቃርሙበት ጊዜያቸው የእኛን ሙግት እንዲያዳምጡ መጋበዝ ሌላ የባሰ ስህተት እንደሆነ አስበኩና አሳቤን ቀየርኩ፡፡ መቼም ቀውስጦስ የተባሉትን አባት «ቀውስና ጦስ» ናቸው በማለት ተራ የሆነ የቃላት ስንጠቃ ውስጥ በመግባት የሰውን ሞራልና ሰብእና መንካት እንዴት ሆኖ ለቤተ ክርስቲያን ህልውና ስንል ነው እንዲህ የጻፍነው የሚለው መከራከሪያ አሳብ በምን መልኩ ሚዛን እንደሚደፋ ኅሊና ያለው ሰው ይፍረደው፡፡

ከዚህ የሚብሰው ደግሞ አባ ሳሙኤልና ሚጡ ተብሎ የተጻፈው ጹሑፍ እንደዛ ልክ እንደ ዓለማዊ ትረካ ልብን በሚሰቅልና ከአሁን አሁን ምን ይከሰት ይሆን በሚል እስከ አንሶላ መጋፈፍ ያለውን የጓዳ ምስጢር ለመግለጽ ዳር ዳር ያሉበትና አባ ሳሙኤልና ሚጡ ተለዋውጠውታል የተባለው ለጆሮ የሚቀፍ ንግግርን በዝርዝር መዘገብ በምን መልኩ መንፈሳዊ ለዛ ያለው ለቤተ ክርስቲያን ህልውና የቆመ ጹሑፍ ሊሆን እንደሚችል አንባቢ ይፍረደው ከማለት ውጭ ሌላ ምን ማለት ይቻላል፡፡ 

"...መልካሙን ሥራችሁን አይተው በሰማያት ያለውን አባታችሁን እንዲያከብሩ ብርሃናችሁ እንዲሁ በሰው ፊት ይብራ" ማቴ. 5፥16

በመምህር ሙሴ ኃይሉ

ምንጭ፤ የሰንበት ት/ቤቶች ማ/መ/ ድረ ገጽ

 መድኃኒተ ዓለም ኢየሱስ ክርስቶስ እንደ ማር እንደ ወተት የሚጣፍጠውን ትምህርቱ ለመስተማርና በተለያዩ ምክንያቶች (ተአምራትን ለማየት፣ ምግበ ሥጋን ለመመገብ፣ ሐሰት አግኝተው ለመፈተን...) ከአምስት ገበያ በላይ ሕዝብ ተሰብስበው በተመለከተ ጊዜ ከፍ ወዳለ ተራራ ወጥቶ በወርቃማ አምላካዊ አንደበቱ በተራራማ ስብከቱ ካስተማራቸው የመንፈሳዊነት፣ የሐዋርያዊነት፣ የአገልግሎት፣ የምግባርና የትሩፋት ትምህርት አንዱ ነው፡፡ ይኸው ትምህርት ቅዱሳን አባቶቻችን ሐዋርያትና በሐዋርያት እግር ሥር የሚተኩ የቤተ ክርስቲያን አባቶች፣ ምዕመናንና ምዕመናትን የሕይወት መርህ በማድረግ እስከ መጨረሻ ህቅታ ድረስ አጽንተው እንዲጠብቁ የተሰጠ የምግባርና የትሩፋት (የሥነ ምግባር) አስተምህሮ ነው፡፡ ብርሃን በተለያዩ ዓይነት የትምህርት ዘርፎች የተለያዩ ትርጉም ቢኖረውም መጽሐፍ ቅዱስ መሠረተ ዕውቀታችን አድርገን ለምናምን ለኛ ግን ብርሃን የእግዚአብሔር የባሕርይ መገለጫው ነው፡፡ ከዚህም በመነሳት ብርሃን ፈጣሬ ዓለማት፣ ሠራዔ ዓለማት፣ መጋቤ ዓለማት እግዚአብሔር ነው፡፡ ስለሆነም ብርሃን ሀሉን ያስገኘ፣ ሁሉን የፈጠረ እንጂ በዚህ ዘመን ተገኘ፣ ከዚህ ዘመን በኋላ ያልፋል ተብሎ የማይነገርለት ምሥጢረ መለኮት ነው፡፡ እውነተኛ ዘለአለማዊ ብርሃን እግዚአብሔር መሆኑ ዘመነ መርገም አብቅቶ የዘመነ ምሕረት የምሥራች በተነገረበት ጊዜ ድኅነት ሰጪው፣ አዳኙም ሆነ ድኅነት ተቀባዩ ራሱ የሆነ የባሕርይ ዘለአለማዊ አምላክ ኢየሱስ ክርስቶስ አስተምሯል፡፡ ወንጌላዊው ቅዱስ ዮሐንስ (ነባቤ መለኮት) ስለ እውነተኛ ብርሃን ምሥጢር በመጀመሪያ ምዕራፉ ሲጽፍ፡-"...ብርሃን በጨለማ ይበራል ጨለማም አላሸነፈውም፡፡ ...ለሰው ሁሉ የሚያበራ እውነተኛ ብርሃን ወደ ዓለም ይመጣ ነበር፡፡ በዓለም ነበረ ዓለሙም በእርሱ ሆነ ዓለሙም አላወቀውም'' (ዮሐ. 1፡1-10) በማለት ጀምሮ የረቀቁ የሥነ መለኮት ትምህርቶችን በምጥቀት ያትታል፡፡


ይህ ማለት አማናዊ ብርሃን እግዘአብሔር መሆኑንና በዚሁ አማናዊ ብርሃንም ሁሉን እንደተገኘ እንረዳለን፡፡ መምህረ ወንጌል ኢየሱስ ክርስቶስ ስለዚህ እውነተኛ አስተምህሮ በግልጽ ሲያስረዳ ማለት እውነተኛ (አማናዊ) ዘለአለማዊ ብርሃን ራሱ "ወልደ አብ ወልደ ድንግል" ኢየሱስ ክርስቶስ መሆኑ ለደቀ መዛሙርቱና በወቅቱ ለተሰበሰቡት ሕዝብ በግልጽ በአደባባይ አስተምሮአል፡፡ "ደግሞም ኢየሱስ እኔ የዓለም ብርሃን ነኝ የሚከተለኝ የሕይወት ብርሃን ይሆንለታል እንጂ በጨለማ አይመላለስም ብሎ ተናገራቸው" ዮሐ. 8፥12 "በዓለም ሳለሁ የዓለም ብርሃን ነኝ" ዮሐ. 12፥36 "የብርሃን ልጆች እንድትሆኑ ብርሃን ሳላችሁ በብርሃን እመኑ" ዮሐ. 12፥46 እንዲል፡፡ የዓለም ሕዝብ በተለይ ደግሞ ሕግ ተሠርቶላቸው፣ ጽላት ተቀርጾላቸው፣ ነቢያት ተልኮላቸው የነበሩ እስራኤላውያን ሕግን እንጠብቃለን ሲሉ ሕግን እየሻሩና ወደ ራሳቸው (ወደ ሥጋዊ ፍላጎታቸው) ብቻ እየተረጐሙ በኃጢአት ጨለማ ውስጥ ሲኖሩ የጨለማ ጠላት የሆነው እውነተኛ ብርሃን መምጣቱንና ሰዎቹም አለመቀበላቸውን ቅዱስ ዮሐንስ ሲገልጽ፣ "ብርሃን ወደ ዓለም ስለመጣ ሰዎችም ሥራቸው ክፉ ነበርና ከብርሃን ይልቅ ጨለማን ስለወደዱ ፍርዱ ይህ ነው" (ዮሐ. 3፥19) በማለት ይገልጽልናል፡፡ የመድኃኒተ ዓለም ኢየሱስ ክርስቶስ ብርሃንነት ከነቢያት ጀምሮ "በጨለማ የተቀመጠው ሕዝብ ታላቅ ብርሃን አየ በሞት አገርና በጥላ ለተቀመጡትም ብርሃን ወጣላቸው" (ማቴ. 4፥14-16) በማለት ሲገልጽ የመጣ ሲሆን ይህንኑ አማናዊ ብርሃን አንቀበልም ብለው ኃጢአት ሳይኖርበት እንደ በደለኛ በብርሃኑ ላይ ማመጻቸውም ነቢያት በመንፈሰ እግዚአብሔር ተመርተው አስቀድመው ተነብየውታል፡፡ "እነዚህ በብርሃን ላይ የሚያምጹ ናቸዉ፡፡ መንገዱን አያውቅም በጐዳውም አይጸኑም" (ኢዮብ.24፥13) እንዲል እነዚህ የመጽሐፍ ቅዱስ እውነታዎች መረዳት የሚችለው አማናዊ (እውነተኛ) ብርሃን እግዚአብሔር መሆኑን ነው፡፡ የፀሐይና ጨረቃ እንዲሁም የክዋክብት ተፈጥሮስ? አንዳንድ ሊቃውንት ብርሃንን ሲተረጉሙ የተፈጠረ ብርሃንና ያልተፈጠረ ብርሃን በማለት ይተረጉማሉ፡፡

የዔደን ገነቱ እባብ “ማኅበረ ቅዱሳን”

                                               ምንጭ፤ ዓውደ ምሕረት ብሎግ

ይህ ጽሁፍ አራት ኪሎ አካባቢ ሲበተን የተገኘ ሲሆን ማኅበረ ቅዱሳንን በተመለከተ እየተዘጋጀ ያለ ተከታታይ ጽሁፍ ዘጠነኛው ክፍል ነው። ከዚህ ጽሁፍ በፊት ያሉትን ጽሁፎችን ለማግኘት ሙከራ አድርገን የነበረ ቢሆንም የጽሁፉን አዘጋጅ ማወቅ ስላልተቻለ ጽሁፎቹ አልተገኙም። በዚህ ጽሁፍ የማኅበረ ቅዱሳንን ምስረታ አስመልክቶ እስካሁን ድረስ ከሰማናቸው ሀሳቦች ለየት ያለሀሳብ ይዞ የቀረበ ነው። ማኅበረ  ቅዱሳን ከእውነተኛ የቤተክርስቲያን ልጆች ጋር መግባባት ሲገባው እኔ ያልኩትን ተቀበል አሊያ አንተም አትኖርም በሚል ደካማ አስተሳሰብ የቤተክርስቲያን ልጆች እያሸማቀቀ ያለ ሲሆን ስጋ እንጂ መንፈስ  የሌለበት መሆኑም ታውቋል። የማኅበሩ ሃሳብ ዓላማና አካሄድ ከአመሰራረቱና ከስም አወጣጡ ጀምሮ ፖለቲካዊ ይዘት ያለው መሆኑን የሚያስረዳው ይህ ጽሁፍ አቡነ ገብርኤል የማኅበሩን ስም ማኅበረ ቅዱሳን ያሉበትን ምክንያት የዋህ አባላቱና ሌሎች ሰዎች ከሚያስቡት እጅግ በተለየ መንገድ ያቀርባል። ማኅበረ ቅዱሳን እንደ ኤደን ገነቱ እባብ ስቶ የሚያስት ወድቆ የሚጎትት ታውሮ ልምራ የሚል መሆኑን የሚያውቁ ሁሉ የኤደን ገነት እባብ መባሉን ተገቢነት ይስማማሉ። (መልካም ንባብ)

ቆሞስ አባ ሠረቀ ብርሃን ወልደ ሳሙኤል ከቀረበባቸው የስም ማጥፋት ክስ ነጻ መሆናቸውን ቅዱስ ሲኖዶስ ገለጸ!

                          ምንጭ፤ የሰንበት ት/ቤቶች ማደራጃ መምሪያ ድረ ገጽ
መምህር አባ ሠረቀ ብርሃን ወልደ ሳሙኤል (ቆሞስ) ከሳሹ በአግባቡ በማይታወቅ መልኩ የቀረበባቸውን የስም ማጥፋት ክስ በጥቅምት ቅዱስ ሲኖዶስ ምልዓተ ጉባኤ ስለቀረበ ቅዱስ ሲኖዶስም በወቅቱ የክሱን እውነተኝነት ለማጣራት ኮሚቴ እንዲቋቋም መወሰኑ ይታወቃል።
የተቋቋመው ኮሚቴም የተባለው ነገር እውነት ወይም ውሸት እንደሆነ በአግባቡ አጣርቶ ለቅዱስ ሲኖዶስ ለማቅረብ በተደጋጋሚ የክሱ ባለቤት ቀርቦ እንዲያስረዳ ጥሪ ቢያቀርብም የዚህ ክስ ባለቤት እኔ ነኝ ባይ ስለጠፋ የቀረበውን የሐሰት ክስ ወደ ሊቃውንት ተልኮ ሊቃውንቱ ነገሩን አጣርተውና ቃላቸውን ተቀብለው (በአካል ጠይቀው) የደረሱበትን እውነት ለቅዱስ ሲኖዶስ እንዲያቀርቡ በታዘዙት መሠረት ጽሑፉን በሚገባ አጣርተው አለ የተባለውን መረጃና ማስረጃ አገናዝበው በተከሰሱበት ሁኔታ አቋማቸውን ጠይቀው ካጠናቀቁ በኋላ ከቀረበባቸው የሐሰት ውንጀላ ነጻ መሆናቸውን የሚያረጋግጥ ሰነድ ለቅዱስ ሲኖዶስ አቅርበው እልባት አግኝቷል።
በመሆኑም ከጉባኤው ፍጻሜ ማግስት ቆሞስ አባ ሠረቀ ብርሃን ወልደ ሳሙኤል በጥቅምት ወር 2004 ዓ.ም ለቅዱስ ሲኖዶስ ምልዓተ ጉባኤ በቀረበብኝ የስም ማጥፋት ክስ አጣሪ ኮሚቴ ተሰይሞ በማጣራት ነጻ ስላደረገኝ የማስረጃ ወረቀት እንዲሰጠኝ ብለው ለቅዱስ ፓትርያርኩ አመልክተው ስለተፈቀደላቸው የቅዱስ ሲኖዶስ ጽ/ቤት ነጻ እንደሆኑ የሚገልጽ ማስረጃ መስጠቱን ይፋ አድርጎአል፡፡ ይህንን ቅዱስ ሲኖዶስ የሰጣቸው ማስረጃ ከዚህ ቀጥለን አቅርበነዋል።

የቅዱስ ሲኖዶስ ጽ/ቤት ነጻ እንደሆኑ የሚገልጽ ማስረጃ [ እዚህ ይጫኑ ]
መምህር አባ ሠረቀ ብርሃን ወልደ ሳሙኤል (ቆሞስ)አቋማቸውን ተጠይቀው የሰጡት መልስ[እዚህ ይጫኑ]

የማኅበረ ቅዱሳን መሠሪ መገለጫዎች

አንዳንዶች ማኅበረ ቅዱሳንን የሕይወታቸው አንድ አካል አድርገው ይመለከቱታል። የማኅበረ ቅዱሳን ሞት ሞታቸው፤ ሕይወቱ ደግሞ ሕይወታቸው አድርገው ስለሚመለከቱ ሲወቀሱ ወይም ሲተቹ ኅሊና እንዳለው ሰው ሳይሆን ዛር እንደሰፈረበት ሰው ያንዘፈዝፋቸዋል፤ ያወራጫቸዋል። እስከለሞት  ስለሚሟገቱለት ማኅበር፤ ማንነት ተረጋግተው አሳማኝና ማስረጃ ያለው መልስ በመስጠት  በግንዛቤ የተሳሳተ ካለ በመመለስ ወይም እንደጠላት የሚቆጥሩትን ክፍል የሚንቁ ከሆነም ዝም ብለው እንደትቢያ ቆጥረው  ከማለፍ ይልቅ ስድብ፤ ዛቻና ማስፈራሪያ፤ ጴንጤ፤ ተሐድሶ፤ መናፍቅ፤ አህያ፤ ውሻ፤ ደደብ፤ ከሐዲ፤ ሌባ  ወዘተ ቃላቶችን በመጠቀም ተቀናቃኝ ነው ለሚሉቱ ሁሉ መጠቀምን ባህላቸውና የእምነታቸው አንዱ ክፍል በማድረግ ሲጠቀሙበት መመልከት እንግዳ ነገር አይደለም። ከአፍቃሬ ማኅበሩም ይሁን የማኅበሩ አንድ አካል ከሆኑት አባላቶቹ የሚሰጡን አስተያየቶች የሚያሳዩን  ያንን ነውና።

ከዚህ ሁሉ አስተሳሰቦቻቸው የምንረዳው ነገር ቢኖር የማኅበረ ቅዱሳን አባላትም ይሁኑ የደጋፊዎቹን  ማንነት ሲሆን  ከእነሱ የተለየ ሃሳብ ላለው ሁሉ መልስ መስጠት የማይችሉ፤ ነገሮችን ሁሉ በኃይልና በዘለፋ ለመፍታት የሚመኙ፤ «ሁሉም መንገዶች ወደ ማኅበረ ቅዱሳን ያመራሉ» ካልሆነ በስተቀር ሌላ መስማት የማይፈልጉ ስታሊናዊ አመለካከት የታጠቁ ሰዎች ስብስብ መሆናቸውን  ብቻ ነው።

አሁንም ስለማኅበረ ቅዱሳን መሠሪ ማንነት የምናቀርባቸውን አንዳንድ ነጥቦችን ተከትለው ያንኑ የተለመደ አፋቸውን በመክፈት ከዚያ አልፎ ያለውን የአእምሮአቸውን በር ከፍተው  እንደሚያሳዩን በመጠበቅ፤ የማኅበሩን መሠሪነት የሚጠቁሙ ጭብጦችን በአስረጂ ለማስቀመጥ እንሞክራለን።

1/ ስውር ሚዲያዎችን  የመጠቀም መሠሪነት፤

ማኅበሩ በግልጽ የሚታወቁ የራሱ የሆነ የሚዲያ ኃይሎች አሉት። የጽሁፍና የኤሌክትሮኒክ ሚዲያዎቹ  በየጊዜው በሚለዋወጡ አገልጋይ ሰዎቹ አማካይነት ሌሊትና ቀን ለማኅበሩ የስም ግንባታ ይሰራሉ። እነዚህ የሚዲያ ተቋማት ስለማኅበሩ ማንነት በሰፊው መረጃ ማድረስ ብቻ ሳይሆን ማኅበሩን  በማጠናከር ለፖለቲካ ጡንቻ ግንባታ የሚያግዝ የገቢ አቅሙንም ያሳድጉለታል። የሕትመት ውጤቶች እንደ ስምዓ ጽድቅና ሐመር መጽሔት፤ መጻሕፍቶች፤ ካሴትና ሲዲ፤ እንዲሁም ሱቆች፤ ሆቴሎች፤ የገቢ ማሰባሰቢያ መድረኰች፤ የመዋጮና የበጎ አድራጎት ገቢዎች በየፈርጁ የተመሰረቱ የገቢ መንገዶች ስለመሆናቸው ሁሉም የሚስማማበት እውነት ነው። ዘመኑ ደግሞ «ገንዘብ ካለ በሰማይ መንገድ አለ» የሚል ፈሊጥ የነገሠበት እንደመሆኑ መጠን ይህንኑ ዓለማዊ ብሂል በደንብ የተረዳው ማኅበሩ፤ የሚፈልገውን አፍ በሚገባው ቋንቋ ለማናገርም ይሁን ያስቸገረውን  አፍ ደግሞ በአንድ ወቅት ፍልስጤማውያን የይስሐቅን ምንጭ በድንጋይ እንደጠረቀሙት፤ እሱም  ለመጠርቀም  የሚያስችል የኃይልን ምንጭ አድርጎ ይገለገልበታል። ዘፍ 26፤18

ይህ እንግዲህ የሚታይ የሚጨበጥ የአደባባይ እውነት ነው። በነዚህ ሁሉ መንገዶች ማኅበሩ ስለመልካም ስሙ ሚዲያዎቹን አይጠቀምም ወይም የገቢ አቅሙን እያሳደገበት አይደለም የሚለን ቢኖር  ይሁንልህ ብለን ከማለፍ ባሻገር ለማሳመን መሞከሩ ነጩን ነገር ጥቁር ነው ብሎ ከሚከራከር ሰው ጋር መታገል ስለሚሆንብን እናልፈዋለን።

ማኅበሩ ይህን ሁሉ በግልጽ የሚጠቀምበት መንገድ ሲሆን በስውር የሚገለገልባቸው መንገዶች፤

ዋናው የማኅበሩ ድረገጽና በዓለም ዙሪያ ያሉ የክፍል ድረ ገጾች በተጨማሪ፤

ሀ/ ደጀ ሰላም

ለ/ አንድ አድርገን

ሐ/ አሐቲ ተዋሕዶ

መ/ አደባባይ

እና ሌሎች መካነ ድሮችን ለዓላማው መሳካት በግልጽና በስውር ይጠቀምባቸዋል። ደጀ ሰላም ብሎግ ሥራውን ሲጀምር /dejeselam owned by mahibere kidusan/ሲል የነበረውን ቢቀይረውም  ጉግል በኢንዴክስ ውስጥ የመዘገበውን ይኽንኑ  ስም ያሳይ እንደነበር አይዘነጋም። እነዚህ ብሎጎች ለማኅበረ ቅዱሳን ተግተው እንደሚሰሩ የሚያረጋግጠው አንድም ትችት ወይም ነቀፋ በማኅበሩ ላይ አያቀርቡም ብቻ ሳይሆን በቀሳፊው ማኅበር የተጨነቀው ዲ/ን ዳንኤል ክብረት የደረሰበትን ወከባና የማኅበሩን ማንነት በመዘርዝር በደጀ ሰላም ላይ ያወጣውን ጽሁፍ በሰዓታት ልዩነት መደምሰሳቸው  ከምንም በላይ አረጋጋጭ ነው። ማኅበረ ቅዱሳን የሰዎች እንጂ የቅዱሳን መላእክት ማኅበር ባለመሆኑ አንዳችም ማኅበራዊ ስህተትም ይሁን ግድፈት እንደሌለው በመቁጠር  የእርምት ወይም የትችት ዘገባ አለማቅረባቸው እንዲሁም የቀረበበትን ማውረዳቸው፤ ማንነታቸውን ከምንም በላይ የሚያረጋግጥልን ይሆናል። እንዲያውም ማኅበረ ቅዱሳን ሲነካ ወይም ስሙ ሲነሳ አንድ ላይ እየተቀባበሉ መንጫጫታቸው አስገራሚነቱን ከፍ ያደርገዋል።  በገለልተኝነት መታዘብም የነበረ  ወግ  ቢሆንም እነርሱ ግን ከዝምታ ባለፈ ልክ ዓይናቸው ውስጥ ጉድፍ እንደገባ ህጻን  ከዳር እስከዳር ጩኸታቸውን  እንደማኅበሩ ሕጋዊ ወኪል ማስተጋባታቸው ለራሳቸው የማይታወቃቸውና ሌላውም ይታዘበናል የማይሉ መሆናቸው ይገርመናል ።  ምንም እንኳን መደገፍም ሆነ መቃወም መብታቸው ቢሆንም እነርሱ ግን በአንድ ድምጽ አንድም ቀን ሳይቃወሙ ሁል ጊዜ በመደገፍ መቆማቸው የማን ተልእኰ ፈጻሚ መሆናቸውን ተመልክተን ሁሉንም  የማኅበረ ቅዱሳን ብሎጎች  ናቸው ብሎ መናገር ይቻለናል። ከማኅበረ ቅዱሳን መሠሪ ባህርያትም መካከልም  አንዱ  በግልጽ ከሚታወቀው መገልገያ መንገዶቹ ውጪ በስውር እጁ በብዙ ብሎጎች መጠቀም መቻሉ ነው።  በዚህም መንገድ ዓላማውን ያዳርሳል፤ ያስተዋውቃል፤ የሚቃወመውን ይመታበታል፤ ዜናና ዘገባ ይሰራበታል።

ይህንንም ስውር ሚዲያዎችን መጠቀሙን የማኅበሩ መሰሪ መገለጫ ቁጥር አንድ ብለነዋል።

የሰለፊያው ማኅበር ማኅበረ ቅዱሳን በቤተክርስቲያን ሊቃውንት ላይ ያሴረው ሴራ ተጋለጠ!!

                                                    ምንጭ፤ ዓውደ ምሕረት

                                                    በከላይነው ትዕዛዙ

ሰሞኑን ጉባኤ አርድዕት የሚባል ማኅበር ተቋቋመ ከሚለው ዜና ከተሰማ ጀምሮ ማኅበሯ ከፍተኛ ስጋት ላይ ወድቃለች። ከዚህም የተነሳ ይህን ማኅበር አቋቁመዋል እና የማህበሩ ደጋፊ የመሆን ዕድል አላቸው የሚሉትን ሰው ሁሉ ከጠቅላይ ቤተክህነት የስልጣን መዋቅር ለማንሳት ቆርጠው ተነስዋል።

ለዚህም የተከተሉት እስትራቴጂ ለማኅበሯ ድጋፍ የሚሰጡ የቤተክህነት ሰራተኞችን ተጠቅሞ ዝውውር ማድረግና ሊፈጠር ይችላል ብለው የሚጠረጥሩትን አንድነት ማላላት ነው። ለዚህም ይረዳቸው ዘንድ የማኅበሩ ሰዎች በአሁኑ ሰዓት ብዙ ጊዜያቶችን የሚያጠፉት በእስክንድር ገብረክርስቶስና የጠቅላይ ቤተክህነት ምክትል ሥራ አስኪያጅ በሆነው በአቶ ተስፋዬ ውብሸት ቢሮ ውስጥ እንደሆነ የቤተክህነት ምንጮች ይገልጻሉ፡፡ ተስፋዬ ጠንቃቃና ከማኅበሩ ጋር ያለው ግንኙነት እንዲታወቅበት የማይፈልግ ሰው ሲሆን አስክንድር ግን ባለው ከፍተኛ የንዋይ ፍቅር ለማኅበሩ ያለ ይሉኝታ ሙሉ በሙሉ መገዛት የጀመረ ሰው ነው።

ማኅበሩ ከመታው ድንጋጤ ለመረጋጋትና ከገባበትም ማጥ ለመውጣት የተለያዩ ሥልቶችን  እያውጠነጠነ ቢሆንም ብዙዎቹ ዘዴዎቹ ፈር ሊይዙለት አልቻለም፡፡ በአሁኑ ሰዓት በጠቅላይ ቤተክህነት እየታየ ያለውን ነገር ስንመለከት ማኅበሯ ከከበባት ዘርፈ ብዙ ችግሮች ነጻ ለመውጣት ካሳባቸው አማራጮች አንዱ መሆኑን እንረዳለን። ጤናማ አእምሮ ሊያስብ የሚገባውን ነገር ከማሰብ ይልቅ የተለያዩ ተንኮሎችንን የስም ማጥፋት ዘመቻዎችን በሽብር ብሎጎቹ እየከፈተ የሚገኘው ማኅበረ ቅዱሳን ገና ለገና ጠንካራ ማኅበር ተቋቁሞ ቤተክርስቲያኒቱን ለብቻችን የማስተዳደር ፍላጎታችንን ይጋፋብናል። እየተቆጣጠርነው የመጣነውን የቤተክሀነቱን አስተዳደር ከቁጥትራችን ውጭ ያደርግብናል። በሚል ከወዲሁ በጉባኤ አርድዕትና በመስራች አባላቱ ላይ ከፍተኛ የስም ማጥፋት ዘመቻ ከፍቷል።

ከማኅበረ ቅዱሳን ወጥተው ቤተክርስቲያን በሰጠቻቸው የስራ ኃላፊነት በቅንነት እያገለገሉ ያሉትን እነ ሊቀስዩማን ኃይለጊዮርጊስና መምህር ዳንኤል ሰይፈ ሚካኤልን የመሳሰሉ የቤተክርስቲያን የቁርጥ ቀን ልጆች ቀድሞ መጮህ በሚል መርህ አንዲህ እና እንዲያ ናቸው በማለት ስማቸውን በማጥፋት ላይ ይገኛል። ቤተክርስቲያኒቱ ባሏት ሶስት መንፈሳዊ ኮሌጆች ትምህርቱን በብቃት ተከታትሎ የእውቀት ገንቦ መሆኑን በተግባር ያስመሰከረው መምህር አእመረንም በስጋ እውቀት ከነሱ እንደማያንስ በመንፈሳዊ እውቀት ደግሞ ከእግሩ ጣት ጋር እንኳ መድረስ እንደማይችሉ እየገባቸውም ቢሆን በተለመደው እኔን ያልተቀበለ ሁሉ መናፍቅ ነው በሚል አሸባሪ መንፈሳቸው ተመርተው ስሙን ማብጠልጠል ይዘዋል። ቅዱስነታቸው አቡነ ጳውሎስን በተገኘው አጋጣሚ ሁሉ ተጠቅመው ስማቸውን ማብጠልጠልን ሥራዬ ብለው የያዙት የማኅበረ ቅዱሳን የሽምቅ ውጊያ ብሎጎች ገና ለገና ጉባኤ አርድዕት እንዲቋቋም ፈቅደዋል በማለት ስማቸውን በክፉ በማንሳትና ተግባራቸውን በማኮሰስ የተቀናጀ ዘመቻ መክፈታቸውም አስገርሞዋል። እንዲያውም የጊዜው ማስፈራሪያ እርስዎን አንስተን አባ ህዝቅኤልን እንሾማለን የሚል ሆኗል።

እንደተለመደው በኃይለ ጊዮርጊስ ዳኜ እና በአቶ ማንያዘዋል አበበ አማካኝነት የሚመራ የስለላ ሥራዎች በቤተክህነት ውስጥ እያካሄደ ያለው ማቅ በአሁኑ ሰዓት ደግሞ አቶ ሰሎሞን ቶልቻ በሚባል ከቅርብ ሳምንታት ወዲህ ለአቶ እስክንድር ገ/ክርስቶስ 30 ሺህ ብር በመክፈል በንቡረዕድ አባ ገብረማረያም ምትክ የገዳማት መምሪያ ኃላፊ ሆኖ በቤተክህነት የስልጣን ተዋረድ ላይ አለሁ ያለውን ግለሰብ እየተጠቀሙበት ይገኛል፡፡ እንደሚታወቀው የገዳማትን ጉዳይ መያዝ ያለበት በገዳም ኑሮ በሚያውቁ መነኮሳት ነው። በዚህም መሰረት በመነኩሴ ሲመራ የቆየውን መምሪያ በአሁኑ ሰዓት የአጥቢያ  ቤተክርስቲያን ሰባኪ ለሆነ ግለሰብ ያለምንም ውድድር መሰጠቱ ሁሉም የጠቅላይ ቤተክህነት ሠራተኞች ያዘኑበት ጉዳይ ሆኗል፡፡

ለአቶ ሰሎሞን ቶልቻ እዚህ መድረስ ትልቅ አስተዋጽኦ እያደረገለት ያለው ግለሰብ በጠቅላይ ቤተክህነት ግቢ ውስጥ ጓድ መንግስቱ ኃይለማርያም በመባል የሚታወቀው አቶ እስክንድር ገብረክርስቶስ ነው፡፡ አቶ እስክንድር ከ12ኛ ክፍል በላይ ምንም ዓይነት የትምህርት ማስረጃ የሌለው፣ የቤተክህነት ትምህርትም ሆነ ክህነት የሌለው፣ አዲስ አበባ ተወልዶ አዲስ አበባ ያደገ በቤተክህነቱ ቋንቋ ጨዋ የሚባል ሰው ከመሆኑም በላይ ምንም ዓይነት ክርስቲያናዊ ሥነ-ምግባር የሌለውና የአባቶችን ክብር እጠብቃለሁ በማለት ሥራውን በገንዘብ የሚለውጥ፣ እና  በፓለቲካው አለምም በትግል ህይወት የኖርሁ ታጋይና የኢህአዲግ መስራች ነኝ ለማለት የሚቃጣው ሰው ነው፡፡

 ይህ ሰው ከቀበሌ ሊቀመንበርነት በግምገማ ተባሮ መውጣቱን (በሙስና ቅሌትና አቅም ማነስ) ምንጮችቻችን ሲገልጡ ወደ ቤተክህነት በመምጣት ባለቤቴ ማኅሌት የቴሌቪዥን ዜና አንባቢ ስለሆነች እኔም ከእርሷ የሪፖርተርነት ሙያ ሰልጥኛለሁ ብሎ ከባለቤቱ ማህሌት በተሰጠው ሰርተፍኬት የዜና ቤተክርስቲያን ሪፖርተር ሁኖ ተቀጠረ፡፡ ይህ ግለሰብ በዜና ቤተክርስቲያን የሚወጡ ጽሑፎችን ለመጻፍ የሚያስችል ዕውቀት እንደሌለው ከሊቃውንቱ በተደጋጋሚ ተገልጾለት “…በተቻለ መጠን የቤተክህነቱም ይሁን የዘመናዊ ትምህርት ስለሌለህ ወደ ቀበሌህ ብትመለስ ያለበለዚያም እንደአቅምህ በሆነ ሥራ ተቀጥረህ ቤተክህነት ብትሰራ ተብሎ ይመከራል፡፡…” እስክንድርም ወደ ፓትርያርኩ በአቡነ ፊሊጶስ አማካኝነት ከቀረበ በኋላ “…ከመንግስት ጋር ባለኝ ግንኙነት የዋልድባን ጉዳይ(ገጽታ) እኔ አስተካክለዋለሁ። ስለዚህ የህዝብ ግንኙነት ኃላፊ ለጊዜውም እንኳን ብሆን..” ብሎ በአማላጅ ያግባባል፡፡ ቅዱስ ፓትርያርኩም ይህ መምሪያ ሙያ ስለሚጠይቅ የመምሪያ ኃላፊው አቶ ስታሊን (በጋዜጠኝነት ሙያ የማስተርስ ዲግሪ ያላቸው) ክትትልና ቁጥጥር ሳይለየው ተጠሪነቱ ለአቶ ስታሊን ሁኖ ለጊዜው ይመደብ ብለው ሲስማሙ በብፅዕ አቡነ ፊሊጶስ ፊርማ ተመደበ፡፡

አቶ እስክንድር በዋልድባ ጉዳይ እንኳን ለህዝቡ ትክክለኛ መረጃ ሊሰጥ ቀርቶ በዋልድባ ምክንያት በማኅበሩና በቤተክህነት መካከል ትልቅ መቃቃር የፈጠረ ሥራ ሠርቶ በመመለሱ ምክንያት ማኅበረ ቅዱሳን ‹‹ሙያ አልባ የቤተክርስቲያን ባለሥልጣኖች›› በማለት በነአቶ እስክንድር ላይ አስገራሚ ጽሁፍ አስነበበን፡፡

እንግዲህ ከዚህ ጊዜ ጀምሮ በጊዜያዊነት የተሰጠውን የመምሪያ ኃላፊነት እንዳይነጠቅ ከፍተኛ ሩጫ ማድረግ የጀመረው፡፡ ሩጫው አቅጣጫ አልባ ቢመስልም ተንኮል ግን አላጣውም። ስለዚህ በቀጥተኛ መንገድ በችሎታው ስራውን መቀጠል ካልቻለ በማኅበሩ በኩል ሆና ስልጣኑ ላይ ለመቆየት የግድ ከማኅበሩ ጋር ተግባብቶ ለማኅበሩ ታዞ በዚህም ከማኅበሩ የሚገኘውን ጥቅማ ትቅም ተቋድሶ መኖርን መረጠ። በዚህም ምክንያት የተለያየ እኩይ ተግባራትን ማድረግ ቀጠለበት፡፡ ለምሳሌ፡-

1ኛ. በጠቅላይ ቤተክህነት የሚገኙ ሊቃውንትን የተለያየ ስም በመሥጠት በጡረታና በዝውውር እንዲዛወሩ አቡነ ፊሊጶስንና አቶ ተስፋዬን (ም/ሥራ አስኪያጅ) በማግባባት በርካታ ሰዎች ተዛዋውዋል ወይም ጡረታ ወጥተዋል፡፡

2ኛ ወደ ፓትርያርኩ እና ብፁአን ሊቃነ ጳጳሳት በመቅረብ ከፊታቸው የውሸት ስልክ በመነጋገር አሁን የደወለልኝ አቶ አባይ ፀኃዬ ነው፣ አቶ መረሳ ነው፣ አለቃ ፀጋዬ ነው፣ ዶ/ር ሸፈራው ነው በማለት በአባቶች ዋነኛ ታጋይ መስሎ በመታየት ስለኢህአዲግ አቅጣጫ በውሸት ለማስረዳት ይሞክራል፡፡ (ይህ ሰው ከቅርብ ጊዜ ወዲህ ከማኅበሩ ጋር በመሠረተው ግንኙነት አማካኝነት 250,000 ብር  ተቀብሎአል፡፡ ለወደፊት ከመረጃ ጋር ይቀርባል፡፡) ለማኅበረ ቅዱሳን አመራሮችም መንግስት ምንም አያደርጋችሁም፣ ስለናንተ በሚገባ አስረድተነዋል፤ በማለት ቢናገርም በአሁኑ ሰዓት የሚመለከታቸው የመንግስት አካላት አቶ እስክንድር የሚባል ሰው እንደማያውቁ፣ በመንግስት ስም መነገድ እንደማይችል እና ክትትል እየተደረገበት እንደሆነ ለፓትርያርኩና ለአራት ሊቃነ ጳጳሳት እንደተገለጸላቸውም ምንጮቻችን ገልጸውልናል፡፡

3ኛ. የዜና ቤተክርስቲያን መምሪያ ኃላፊ እኔ ነኝ፣ አቡነ ጳውሎስ መጋቢ ሚስጢር ወልደሩፋኤልንና መ/ር ካህሳይ (የዜና ቤተክርስቲያን አዘጋጆች) ተቆጣጠር ብለውኛል፡፡ ከዚህ በኋላ ይህንን እድል በመጠቀም የማኅበሩን ገጽታ በዜና ቤተክርስቲን እናስተካክለዋለን እያለ ለማኅበሩ ሥራ አመራር ገልጿል፡፡ ከዚህም አልፎ እምቢ ቢል ግን ወልደሩፋኤልን እናባርረዋለን በማለት ከማኅበሩ ጋር እንደሚዶልት መረጃ ተገኝቷል፡፡ ይህንን በተመለከተም ስለአፈጻጸሙ ከሰሎሞን ቶልቻ ጋር ተነጋገሩበት እንዳላቸው ታውቋል፡፡

4ኛ.  እንዲሁም በዋነኛነት በአሁኑ ሰዓት ለማኅበሩ ህልውና አደጋ በመሆን ላይ ባለው በሊቀ ስዩማን ኃይለጊዮርጊስ አማካኝነት እየተሰሩ ባሉ ሥራዎች ማለትም ‹‹በሊቃውንቱ መካከል አንድነትን መፍጠር እንዲሁም በጳጳሳት መካከል ስለማኅበሩ በቂ ግንዛቤ እንዲኖር ማድረግ ›› የሚሉ ሥራዎች እንዳሉ የሚያውቀው የማኅበሯ አመራር የሊቀ ስዩማን ኃይለጊዮርጊስ አካሄድ የፈጠረበትን ሥጋት ለአቶ እስክንድር ያዋያል፡፡ አቶ እስክንድርም “…የኃይለጊዮርጊስንና የሊቃውንቱን እቅዶች አፈራርሳለሁ፡፡ እሱንም ከአባቶች ጋር እና ከሊቃውንቱ እንለያይዋለን ይህንን ደግሞ ከአቶ ተስፋዬ ውብሸት ጋር ተነጋግረናል…” በማለት ለማኅበሯ አመራሮች የማጽናኛ ቃል ከተናገረ በኋላ በማግስቱም፤

- ለፓትርያርኩና ለተለያዩ ጳጳሳት እየዞረ “…ሊቀ ስዩማን ኃይለጊዮርጊስ  ከመንግስት ጋር ስር የሰደደ ግጭት ውስጥ ነው፣ መንግስት ይፈልገዋል፣ በዘረኝነት ከነአቡነ አብርሃም ጋር ይገናኛል፣ የማኅበሩ አመራርም ጓደኞቹ ናቸው በማለት ያሥወራል፡፡ አባቶችም አይ እስክንድር ይህ እኮ ‹‹የህዝብ ግንኙነት ሥራ ሳይሆን ህዝብ ማደናገር›› ነው በማለት ከመለሱለት በኋላ “…ሊቀሥዩማን በኛ በኩል ከ15 ዓመታት በላይ በተለያዩ ኃላፊነት አይተነዋል፣ ለኃይለጊዮርጊስ እንደ ሐዋርያት ዘር የለውም፣ ከማኅበሩ ጋርም ቢሆን ለ15 ዓመታት እንደታገለ ማኅበሩም በደጀሰላም ድህረ-ገጽ ገልጾታል፡፡